Kisi ki ankh se sapne chura kar kuch nahee milta
Mundairoon se chiragoon ko bhuja kar kuch nahee milta
Hamari soch ki parvaaz ko roke nahee koi
Naye aflaaq pe pehray bitha kar kuch nahee milta
Koi ek aadh sapna ho tu acha bhi lagta hai
Hazaaroon khwaab ankhon mein saja kar kuch nahe milta
Sukoon in ko nahee milta kabhi pardes ja kar bhi
Jinhain apne watan se dil laga kar kuch nahe milta
Ussay kehna ke palkon per na taanke khwab ki jhalar
Samundar ke kinare ghar bana kar kuch nahee milta
Yeh acha hai ke apas ke haram na tootne paayain
Kabhi dostoon ko aazma kar kuch nahee milta
Na jane kaun se jazbay ki yun taskeen karta hon
Bazaahir tu tumahre khat jala kar kuch nahee milta
Faqat tum se hi karta hon main sari raaz ki batain
Har ek ko daastan-e-dil suna kar kuch nahe milta
Amal ki sookhti rag mein zara sa khoon shamil kar
Mere hamdam faqat baatain bana kar kuch nahe milta
Ussay main pyar karta hon mujh ko chain aata hai
Woh kehta hai ussay mujh ko sata kar kuch nahee milta
Mujhe aksar sitaron se yehi awaaz aayee hai
Kisi ke hijr mein neendain ganwa kar kuch nahee milta
Jigar hojayega chalni yeh aankhain khoon rooyengi
Waise bhi Faiz logon se nibha kar kuch nahe milta …