Tum bhi halaat say majboor thin, may bhi majboor
Tum bhi khaiif thin kay bujh jai na phir shama-e-umeed
May bhi kuch gardish-e-doraaN may tha aisa mehsoor
Har naye zulm ki karta raha jabraN taaeed
Tum bhi sachi thin kay tum is kay siva kya kartin
Dil ki mehroomi pe kya jaan ka soda kartin
Apni naakaam tamannao’n ko rusva kartin
Lamha-e-jashan may zikr-e-gham-e-farda kartin
May bhi razi ba raza gardish-e-ayyam say tha
Vaasta mera bhi aisi seher-o-shaam say tha
Voh shanasaii ka rishta jo terey naam say tha
Darhaqeeqat woh taaluq kisi abhaam say tha
Mujh ko is tarz-e-taghaful say shikayat bhi nahi
Shikva sakhji ki jo sach poocho to adaat bhi nahi
Tum pe ilzaam dharoon is ki jisaarat bhi nahi
Jo bhi guzri hai biyaaN karnay ki taqat bhi nahi
Tum bhi halaat pe qan-e rahin, may bhi shakir
Faisla tum nay bhi ik kar hi liya bil akhir
Tum bhi khamosh thin, izhaar say may bhi qasir
Apnay hissay ki saza panay ko may tha hazir
Muttafiq tum bhi ho, mujh ko bhi nahi kuch inkaar
Apnay maqsoom may likhay they yahi layl o nihaar
–Shahid Naqvi
—If someone can translate the highlighted words —thanks.