Samjhauta !!
***khush-haal se tum bhi lagtay ho
yun afsurdah tu hum bhi nahi
per jan-ne walay jaantay hain
khush hum bhi nahi,khush tum bhi nahi
tum apni khudi ke pehray may
aur daam gharoor may jakray hoay
hum apnay zuam ke narghay may
ana haath humara pakray hoay
ek muddat se halqan peechan
tum rabt guraiz ke dhaaroon may
hum apnay aap se uljhay hoay
pachtaaway ke angaaroon may
mehsoor-e-talatim aaj bhi ho
jo tum ne kinaaray dhoond liye
toofan se sambhlay hum bhi nahi
kehnay ko saharay dhoond liye
khamosh se tum, hum mehar ba lub
jo beet geay dukh baat keay
chalo khel adhoora chortay hain
bina chal chalay bina maat keay
jo bhagtay bhagtay thak jain
wo saay ruk bhi saktay hain
chalo toro qasam iqrar karain
hum dono jhuk bhi saktay hain ***
