mairi aankhoon mai uljhay huay khwaab hain kuch
inhain suljhanay haqeeqat bananay wala koi nahi
sahil per baitha hoon mai piyasa kab say
mairi aas,mairi piyas bujhanay wala koi nahi
rota rehta hoon,kabhi ansoon peelayta hoo
mairi palkoon ko chumnay wala koi nahi
samjhatay hain dost yaar mujh ko bohat
laykin mujhay samajhnay wala koi nahi
safhay bharay hain mairi ghazloon say magar
inhain ganay, gun’gunanay wala koi nahi
sira simah hi raha,baat na karnay paya
jab bolna seekha to sunnay wala koi nahi
sawal poochta hoon mai aksar in divaron say
kia karoon k jawab daynay wala koi nahi