+++++++++++++++++
Yaar Bhi Raah Ki Dewaar Samajhtay Hain Mujhay
Main Samajhta Tha Mayray Yaar Samajhtay Hain Mujhay
Main Tou Youn Chup Hoon K Andar Say Buhat Khaali Hoon
Aur Sab Log Pur_Israar Samjahtay Hain Mujhay
Main Tou Badaltay Hovay Haalaat Main Dhal Jaata Hoon
Daikhnay Waalay Adaakar Samajhtay Hain Mujhay
Woh Jo Us Paar Hain Un K Li’ay Is Paar Hoon Main
Woh Jo Is Paar Hain Us Paar Samajhtay Hain Mujhay
Naik Logoo’n Main , Main Naik Ginaa Jaata Hoon
Sub Gunehgaar , Gunehgaar Samajhtay Hain Mujhay
__________________________________
====================
888888
----