Today is the Birthday of Lamhay … I would like to dedicate this thread to Lamhay on her birthday …
**
Chaahat ho, khushi ho tere daaman mein wafa ho
Mehki huwi ek shaam teri salgiraah ho
Is din ke tasavvur se sanwar jayain nazaaray
Is din tere qadmoon mein bikhar jayain sitaray
Is din pe meri zeest ka har lamha fida ho
Mehki huwi ek shaam teri salgiraah ho …
Hai aaj ke din meri dua ab na kabhi ho
Afsurda meri jaan tere lab na kabhi hon
Gham ki na kabhi chehra-e-janaan pe ghata ho
Mehki huwi ek shaam teri salgiraah ho …
Pur-zour hawa mein deya jalta huwa rakhay
Allah jahaan mein tujhe hansta huwa rakhay
Boujhal na kabhi nam teri palkon ki rida ho
Mehki huwi ek shaam teri salgiraah ho …
Tu bhi na ho meri tarah nakaam-e-muhabbat
Acha ho meri jaan tera anjaam-e-muhabbat
Mehboob ki aankhoon mein tumhari hi ziya ho
Mehki huwi ek shaam teri salgiraah ho …
Chaahat ke diloon se kabhi jazbaat na kam ho
Aise hi agar ho tau yeh din raat na kam ho
Allah kare umer meri tujhe ko ata ho
Mehki huwi ek shaam teri salgiraah ho … **
