"Sai'hbaa!", mire Khayaal kii ra'naaiyoN kaa dard...merii ek Ghazal

Arts & Culture Poetry ( Intikhaab & Sho'ra-e-Gupshup)
1

salaam dosto
ummeed hai k mizaaj e giraamii ba_Khair hoNge.

ek Ghazal jo Khaasii puraanii hai pesh-e-Khidmat hai. ummeed hai k pasand aayegii…apnii aaraa o islaaHaat se bil_zaroor navaaziyegaa. shukria

faqat Khaak-e-paa
_______KKF**

jisko milaa nahiiN hai yeh rusvaaiyoN kaa dard
kyaa jaane vo hai kyaa tire saudaaiyoN kaa dard

**
**2.
aaye haiN jab se shehr meN ham gaaoN chhoR kar
Dasne lagaa hai ruuh ko tanhaaiyoN kaa dard

**
**3.
us phuul jaise jism se dekho to puuchh kar!
kitnaa lazeez hotaa hai aNgRaaiyoN kaa dard

**
**4.
ta’b itne aaiinoN kii bhalaa kaun laayegaa
kisse uThaayaa jaayegaa parchhaaiyoN kaa dard

**
**5.
baalaa-e-bai’hr uR ke guzar jaayeNge hamsafar
samjhegaa kaun bai’hr kii gai’hraaiyoN kaa dard

**
**6.
barbat, robaab_o_chaNg ke saazoN ko chheR kar
ghul jaayegaa fazaaoN meN shai’hnaaiyoN kaa dard

**
7.
simTaa to raNg_o_nuur ke paikar meN Dhal gayaa!
“Sai’hbaa!”, mire Khayaal kii ra’naaiyoN kaa dard

2

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

Achi hai :k:

3

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

thankoo…kia ‘dard’ se bhii achchhii hai? :stuck_out_tongue:

4

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

:ast:
Dard se milana theek nhi hai isay :nahi:

5

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

aaaawwwww…to, kisii moHtaramah se milvaa duuN? :smiley:

6

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

:cb:

mehrbani :snooty:

7

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

ab maiN raat gaye kahaaN jaauuN moHtaramah talaash karne…sochtaa huN kal Girl’s College jaa kar kisii ko thamaa aauuN! :wink: :stuck_out_tongue: :cb:

8

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

tauba hai kahan phans gye :smack:

9

Re: “Sai’hbaa!”, mire Khayaal kii ra’naaiyoN kaa dard…merii ek Ghazal

to, ab nikalne kii koii tadbeer nikaaleN! :slight_smile: