Sach kahon to Meri Jaan..
Daman-e-Mohabat mein..
Sirf Bad’nasibi hy..
Sirf Be’yaqini hy..
Is haseen Jazby k..
Pur’waqar Sehra mein.
Manzilen nahi milti’n.
Sirf Raahi milty hain.
Jo bhatakty phirty hain..
Tum bhi lot jao gy.
Tum bhi Toot jao gy.
Sab se Chhoot jao gy.
Lotny ka socho gy.
Lotna na chaho gy.
Daman e Mohabat k..
Pur’wasi Jazeery pe.
Kashtiyan jala k bhi..
Khali hath phirty hain.
Nangy paaon chalty hain..
Raah k sabhi kaanty.
Ungliyon sy Chunty hain.
Phir bhi Murr k dekho to..
Khaar Bikhry rehty hain.
Pair Zakhmi hoty hain.
Phir bhi Kuch nhi paaty.
Ik Ajeeb wehshat men.
Baar’ha guzarty hain.
Is Ajeeb Sehra sy.
Rait Chunty jaty hain..
Muthiyon men bharty hain..
Sar pe khak parrti hy.
Khilkhila k Hansty hain..
NaiN bhi Barasty hain.
Is liay to kehti hun..
Daman e Mohabat men.
Sirf Bad’nasibi hy..
Sirf Be’yaqini hy..
Sirf Bad’gumani hy.
(Poetess Rabia Basri)