*Sach bhi jhoota hai
Iss ke bhi kai chehray hain
Aik chehra ke tere qurb ki chahat main mujhay
Na koi khawahish-e-Aaghosh rahi
Aur na tamana-e-wisaal
Aik chehra
Ke tere jisam ki hurmat ki qasam kha ke
Har ik deeda-e-mashkook ko samajhta raha
Aasman-on ke saheefon se utaray howe
Ilfaz ko dohrata raha.
Aik chehra
Ke tere pass se uttha hoon
To khud sochta hoon
Ke mera sard lahoo
Garmi-e-shoq se aur Aatish-e-mehroomi se
Kiyoun phuktta hai
Aur Badan
Nashay ke alam main bhi kiyoun dukhtta hai.
—*