**salaam dosto,
aaj maiN jis laRii kaa aaGhaaz kar rahaa huN us men bas aapko sirf yeh karnaa hai k is meN aise ash’aar raqam kijiye jis meN koi Hikmat ho, koi naseeHat ho, koi achchhii baat kahii gaii ho…so, bismillah kijiiye:
kii MoHammad [s.a.w.s.] se vafaa tu ne to Ham tere haiN
yeh jahaaN cheez hai kia, lauH o qalam tere haiN 
thank you
faqat Khaadim-e-urdu
_______Hashmat**
Re: sabaq_aamoz ash'aar...aise ash'aar jis meN koi wisdom chhupi ho
Zindagi zinda dili ka nam he
murda dil bhi kia khak jia karte hen
Re: sabaq_aamoz ash'aar...aise ash'aar jis meN koi wisdom chhupi ho
Nahi Tera Nasheman Qisare Sultani ke Gumbad per
Tu Shaheen Hai Basera kar Pahadon ki Chatton per
Zindagi zinda dili ka nam he
murda dil bhi kia khak jia karte hen
**
waah bhai waah, isii par maiN ne ek parody banaaii thii:
zindagii murda dili kaa nama hai
zinda dil kia Khaak jiyaa karte haiN :)**
<!--Session data-->
Nahi Tera Nasheman Qisare Sultani ke Gumbad per
Tu Shaheen Hai Basera kar Pahadon ki Chatton per
**
bahooot Khoob janaab, bahooot Khoob! thoRaa saa roman urdu kii likhaavaT saHeeH kartaa huN kiuN k jaise aap ne likhaa hai us meN she'r out of meter ho gayaa hai:
nahiiN teraa nasheman qasr-e-sultaanii ke gumbad par
tu shaahiiN hai, baseraa kar pahaaRoN kii chaTaanoN par**
<!--Session data-->
Re: sabaq_aamoz ash'aar...aise ash'aar jis meN koi wisdom chhupi ho
Rung faryadi hai kis ki shokhi-e-tehreer ka
Kaghzi hai pair'han her paikar-e-tasveer ka
Rung faryadi hai kis ki shokhi-e-tehreer ka
Kaghzi hai pair'han her paikar-e-tasveer ka
**
waah, bahooot Khoob, bahooot umda. thank you
meri taraf se yeh ek she'r:
phool kii patti se kaT saktaa hai heere kaa jigar
mard-e-naadaaN pe suKhan-e-narm_o_naazuk be_asar**
<!--Session data-->
Re: sabaq_aamoz ash'aar...aise ash'aar jis meN koi wisdom chhupi ho
Aaj bhi daher men kuch log bhalaa karte hain
'tashna' wo log magar saaheb-e- imaan hon ge
Aap [S.A.W.S] ka naam mangta hun mein
rooh-e-islam mangta hun mein . . . .
hun tawaj' jo ka aap [S.A.W.S] ki taalib
lutf-o-ikraam mangta hun mein . . . .
aap [S.A.W.S] ki yaad se laba-lab ek
dard ka jaam mangta hun mein . . . .
aap [S.A.W.S] ki per'vi se ho mansoob
aisa ilzaam mangta hun mein . . . .
aap [S.A.W.S] ke saaya-e-saadat mein
aakhri shaam mangta hun mein . . . .
dil rahay Mustafa [S.A.W.S] ke rastay par
bas yehi kaam mangta hun mein . . . .
sirf apnay liye nahe Amjad
rehmat-e-aam mangta hun mein . . . .!!
*AMjad Islam Amjad*
Re: sabaq_aamoz ash'aar...aise ash'aar jis meN koi wisdom chhupi ho
**nahiiN hai cheez nikammii koii zamaane meN
koii buraa nahiiN qudrat ke kaar_Khaane meN
'allaamah Iqbaal**
Re: sabaq_aamoz ash'aar...aise ash'aar jis meN koi wisdom chhupi ho
jina dukhaan wich dilbar razi, sukh ona tu waray
dukh qabool Mohammad bakhsha, razi rehn piaray
by Mian Mohammad Bakhsh (saif-ul-malook)
Re: sabaq_aamoz ash'aar...aise ash'aar jis meN koi wisdom chhupi ho
jina dukhaan wich dilbar razi, sukh ona tu waray
dukh qabool Mohammad bakhsha, razi rehn piaray
by Mian Mohammad Bakhsh (saif-ul-malook)
Re: sabaq_aamoz ash'aar...aise ash'aar jis meN koi wisdom chhupi ho
Aadab...
Watan kay hon gar kantay to bhar lay apnay daman man
Phool agar hn pardaysi to mat choona bewafa hon gay
Re: sabaq_aamoz ash'aar...aise ash'aar jis meN koi wisdom chhupi ho
banda-e-momin kaa dil beem o riyaa se paak hai
quwwat-e-farmaaN_ravaa ke saamne be-baak hai :)
'allaamah Iqbal
Re: sabaq_aamoz ash'aar...aise ash'aar jis meN koi wisdom chhupi ho
na jahan man kisi ko aman mili, jo aman mili to kahan mili
mray jurm-e-khana-e-kharab ko teray ufwo' banda-e-nawaz man