اپني رسوائي تيرے نام کا چرچا ديکھوں
اک ذرا شعر کہوں اور ميں کيا کيا ديکھوں
نيند آ جائے تو کيا محفليں برپا ديکھوں
آنکھ کھل جائے تو تنہائي کا صحرا ديکھوں
شام بھي ہو گئي، دھندلا گئي آنکھيں بھي مري
بھولنے والے! ميں کب تک تيرا رستہ ديکھوں
سب ضديں اس کي ميں پوري کروں، ہر بات سنوں
ايک بچے کي طرح سے اسے ہنستا ديکھوں
مجھ پہ چھا جائے وہ برسات کي خوشبو کي طرح
انگ انگ اپنا اسي رت ميں مہکتا ديکھوں
تو ميري طرح سے يکتا ہے مگر ميرے حبيب
جي ميں آتا ہے کوئي اور بھي تجھ سا ديکھوں