Sab maya hai, sb dhalti phirti chaaya hai,
Is ishq mein hum ne jo khoya jo paaya hai,
Jo tum ne kaha hai, Faiz ne jo farmaya hai,
**
Sab maya hai..**
Haan gahay gahay deed ki daulat hath aye,
Yeh ek woh lazzat naam hai jiska ruswaii,
Bas us k siwa to jo bhi sawab kamaya hai,
Sab maya hai..
Ek naam to baqi rehta hai, gar jaan nhi,
Jab dekh liya is sauday mein nuqsan nhi,
Tab shama pay denay jaan jab patanga aya hai,
Sab maya hai..
Maloom hamein sab Qais miyan ka qissa bhi,
Sab ek sath hain, yeh Ranjha bhi, yeh Insha bhi,
Farhad bhi jo ek neher si khodd k laya hai,
**
Sab maya hai..**
Kyun dard k naamay likhty likhty raat krun,
Jis saat samandur paar ki naar ki bat krun,
Us naar se koi ek ne dhoka khaya hai?
Sab maya hai..
Jis gori pay hum ek ghazal hr sham likhen,
Tum jantay ho, hum kyun kr uska naam likhen,
Dil uski chokhat choom k wapis aya hai,
**
Sab maya hai..**
Woh larki bhi jo chaand nagar ki rani thi,
Woh jiski alhar ankhon mein hairani thi,
Aj usne bhi pegham yehi bhijwaya hai,
**
Sab maya hai..**
Jab dekh liya hr shakhs yahan harjai hai,
Is shehar se door ek kut’tiya hum ne bnai hai,
Aur us kut’tiya k maathay pay likhwaya hai,
**
Sab maya hai..**
(Ibn-e-Insha)
…:k: