****Sab kahan,kuch lala-o-gul men numayan ho gayen.
khak men,kia sooraten hon gi ke pinhan ho gayen.
Theen banat-un-nash-e-gardoon din ke parde men nihaan.
shab ko un ke jii men kia aayi ke uryaan ho gayen.
sab raqeebun se hun nakhush,per zanan-e-misr se.
hy zulekha khush ke mehv-e-mah-e-kin’aan ho gayen.
In pari zaadoon se len gy khuld men hum inteqam.
Qudrat-e-HAQ se yhi,hoorain,ager waan ho gayen.
Waan gaya bhi men,tou un ki gaaliyon ka kia jawab.
yad thi jitni duayen sarf-e-darbaan ho gayen.
Ranj se khoo ger ho insaan, tou mit jata hy ranj.
Mushkilain mujh per paren itni ke aasan ho gyen.
youn hi ger rota raha GHALIB,to aey ahl-e-jahan.
dekhna in bastiyon ko tum ke veeraan ho gayen.
