Saath Beete Huve Lamhaat Bohat Yaad Aaye
Haan Vo Bikhre Huve Zarraat Bohat Yaad Aaye
Bhoolna Chahein To Har Baat Bhuladein Leikin
Yaad Aaye Hai To Har Baat Bohat Yaad Aaye
Jin Khayalon Se Mera Jism Mehek Uthta Tha
Vo Machalte Huve Jazbaat Bohat Yaad Aaye
Tum Bhi Na Bhool Sake Hoge Vo Lamhe Janaa
Mujhko Bhi Pehli Mulaqaat Bohat Yaad Aaye
Jab Bhi Shahnaayi Ki Awaaz Suni Kanon Ne
Vo Mere Mehndi Lage Haat Bohat Yaad Aaye
Jo Mere Ho Ke Bhi Apna Na Sake The Mujhko
Phir ‘…’ Wahi Halaat Bohat Yaad Aaye
