Saaraa aalam gosh bar aawaaz hai
aaj kin haathoN meiN dil kaa saaz hai
haaN zaraa jurrat dikhaa ae jazb-e-dil
husn kou pardey pai apney naaz hai
kam-nasheeN dil ki haqeeqat kiya kahuN
soaz meiN doobaa huaa ik saaz hai
aap ki makhmoor aankhon ki qasam
meri maikhwaari abhi tak raaz hai
hans diye woh merey roney par magar
unn key hans deney meiN bhi aik raaz hai
chhup gaye woh saaz-e-hasti cheR kar
ab to bas aawaaz hi aawaaz hai
husn kou naahaq pashemaaN kar diya
ae junooN yeh bhi koi andaaz hai
saari mehfil jis pai jhoom utthi Majaz
woh tou aawaaz-e-shikast-e-saaz hai
Asrar-ul-Haq Majaz
yeh she’r mujhe nisbatan ziyaada pasand aayaa: