**Meri hazaaroon khwahishoon mein
Ek masoom khwahish yeh bhi hai
Ke kabhi kisi poore chaand ki raat mein
Saahil kinaaray, chaandni tallay
Hum donoo akele hoon
Chupke se bethe paani mein
Chaand ka, mera aur tumhaara aks laraz raha ho
Aur mein tumhara haseen chehra
Apne hathoon mein bhar kar
Tum se pyar bhari sargooshi mein
Tumhari jheel sifaat aankhoon mein
Jhaanktay huwe sirf itna kahoon
"Mujhe tum se muhabbat hai"
Aur tum aankhain band kar ke
Dheere se muskura do
Apna sar mere shaane se tika kar
Apni madhur awaaz mein
Mere kaan mein keh do
"Mujhe bhi tum se muhabbat hai"
Aur phir sharma kar
Apna chehra mere seenay mein chupa do
Phir jab mera aur tumhaara dil
Ek saath dharakne lagay
Tu ussi sammay meri jaan
Meri jaan meri aarzoo hai ke
Hawa ki saans ruk jaaye
Behtay paani mein larazta huwa chaand
Mera aur tumhaara aks thamm jaaye
Aur wakt ka dariya behtay huwe
Ussi aik manzar mein jamm jaaye
Woh lamha waheen ammar ho jaaye
Hamesha hamesha hamesha ke leye...**
excellent AmarBail jee
poora ka poora description saamne aa gaya 
khwahishaat hazaroon per poori kahan hoti hain ... yahan zindagi hathoon say nikali jarahi hai tu phir .....
thanks 4 sharing amarbail gr8 poetry!
bohat khoob.....
laajawab… :k:
:k:
Zabardast
beautiful :)
very nice....
bohat pyari ghazal hia.. 
:k:
waaah.
it’s beautiful