Re: Saahil ki reit jesey lehroN sey larr parri ho...
Sab maangtey heiN khushbu pat'jharr ko kon poochey chaahey khizaaN ki jholi phooloN sey hi bhari ho
samandar ka saara paani khamosh yuN kharra tha saahil ki reit jesey lehroN sey larr parri ho
yuN aaNdhioN meiN shaakheiN karti heiN shor jesey parindoN ke ghoNsaloN par qayaamat ki ik gharri ho
seeney ki waadiyoN meiN waqt tham gaya hey aesey lamhoN ki nabz jesey chup saadh kar kharri ho
aaNkhoN ka kya bataaoN ankheiN to yuN heiN jesey sookhey ke mosamoN meiN saawan ki koi jharri ho
By: Amal
buhat khoob, har sheir aik sey barrh ke aik hey:-)