I know its long but its one of my all time favorite. Faraz nay darya ko kozay main band ker dia hai.
sunaa hai log use aankh bhar ke dekhate haiN
so us ke shahar meeN kuchh din Thahar ke dekhate haiN
sunaa hai rabt hai us ko Kharaab haalooN se
so apane aap ko barbaad karake dekhate haiN
sunaa hai dard ki gaahak hai chashm-e-naazuk us ki
so ham bhi us ki gali se guzar kar dekhate haiN
sunaa hai us ko bhi hai sher-o-shaayari se shagaf
so ham bhi mojaze apane hunar ke dekhate haiN
sunaa hai bole to baatooN se phuul jhartey haiN
ye baat hai to chalo baat kar ke dekhate haiN
sunaa hai raat use chaand takata rahata hai
sitaare baam-e-falak se utar kar dekhate haiN
sunaa hai hashr haiN us ki ghazal si aankheeN
sunaa hai us ko hiran dasht bhar ke dekhate haiN
sunaa hai din ko use titaliyaaN sataati haiN
sunaa hai raat ko jugnuu thahar ke dekhate haiN
sunaa hai raat se barh kar haiN kaakulen us ki
sunaa hai shaam ko saaye guzar ke dekhate haiN
sunaa hai us ki siyaah chashmagi qayaamat hai
so us ko surmaafarosh aankh bhar ke dekhate haiN
sunaa hai us ke labooN se gulaab jhartey haiN
so ham bahaar par ilzaam dhar ke dekhate haiN
sunaa hai aaiinaa tamasaal hai jabeeN us kaa
jo saadaa dil haiN ban sanvar ke dekhate haiN
sunaa hai jab se hamaail haiN us kii gardan meeN
mizaaj aur hi laal-o-gauhar ke dekhate haiN
sunaa hai chashm-e-tasavur se dasht-e-imkaan meeN
palang zaave us kii kamar ke dekhate haiN
sunaa hai us ke badan ke taraash aise haiN
ke phuul apani qabaayeeN katar ke dekhate haiN
vo sarv-qad hai magar be-gul-e-muraad nahi
ke us shajar pe shagufe samar ke dekhate haiN
bas ek nigaah se lutataa hai qaafilaa dil kaa
so rah-ravaan-e-tamannaa bhi dar ke dekhate haiN
sunaa hai us ke shabistaan se mutasil hai bahisht
makin udhar ke bhi jalve idhar ke dekhate haiN
ruke to gardisheeN us kaa tavaaf karatii haiN
chale to us ko zamaane thahar ke dekhate haiN
kise nasiib ke be-pairahan use dekhe
kabhi kabhi dar-o-diivaar ghar ke dekhate haiN
kahaaniyaaN hi sahi sab mubalghey hii sahii
agar vo khvaab hai taabir kar ke dekhate haiN
ab us ke shahar meeN thahareeN k kuuch kar jaeeN
‘Faraz’ aao sitaare safar ke dekhate haiN
decent decent
public meN to aise nahiiN kahte…abhii to apun kii shaadii bhii…
hehe 