kholii thii zabaaN k sab ko garmaa bhii gaii
dekhaa jo butoN ko aaNkh lalchaa bhii gaii
suntaa huN maiN vaa’iz kii yeh Gham_naak sadaa
jannat bhii gaii haath se, dunyaa bhii gaii!!!
Re: rubaa’iyaat-e-vaalid marHoom-10
waise KKF aap ke walid e buzrugwar ki shayari kitabi soorat main dastiyab hai k nahin?
Re: rubaa’iyaat-e-vaalid marHoom-10
thank you Muqwee Bhai for liking the rubaa’ii.
baat yeh hai k mere vaalid ne hamesha shohrat se gurez kiyaa aur yehii vajah hai k vo kabhii mushaa’iroN meN nahiiN gaye HaalaaN k unke ustaad AsGhar GonDvii aur saathi sho’araa, Jigar Muradabadi, Firaq Gorakhpuri, MajrooH Sultanpuri, Harvansh Rai Bachchan aur naamvar hastiyaaN, Sir Tej Bahadur Sapru, Miss Sarojini Naidu, bahot zor diyaa kartii thiiN k vo mushaa’iroN meN jaayeN magar vo kabhii nahiiN gaye. vo bas apne gaaoN ke saalaanah mushaa’iroN meN hii bas apnaa kalaam ek parche par likh kar paRhte aur use vahiiN intizaamiya ko de kar bhulaa dete…
…ham logoN ne baRii mushkil se unke kalaam ko yakjaa kiyaa hai aur ab musavvida is soorat men aa gayaa hai k uskii ishaa’at kii jaaye…baRe Bhai kaa kahnaa thaa k jab unheN shohrat pasand nahiiN thii to unke kalaam ko shaay’a karnaa munaasib nahiiN…maiN ne kaii saaloN kii convincing ke ba’d unheN razamand kar liyaa hai k agar unke kalaam ko shaay’a na kiyaa gayaa to vo zaay’a ho jaayeNge aur si taraH yeh giraaN qadr sarmaaya dunyaa-e-adab kii dast-e-ras se pare chalaa jaayegaa…
…inshaa Allah, maiN jab India October meN jaauuNgaa to unkaa deevaan shaay’a karvaauuNgaa jo iA 3 jildoN par mushtamil hogaa…du’aa kijiyegaa k maiN apne maqaasid meN kaamiyaab huN…
…main aapko aur har Poetry Forum ke har Guppie aur Gappan ko ek ek copy zaroor irsaal karuuNgaa,iA 
Re: rubaa'iyaat-e-vaalid marHoom-10
wow. so nice of you. we'll wait for that
Re: rubaa'iyaat-e-vaalid marHoom-10
plz muje bhi 1 copy dena
Re: rubaa’iyaat-e-vaalid marHoom-10
it was limited time offer
Re: rubaa'iyaat-e-vaalid marHoom-10
wow
Re: rubaa’iyaat-e-vaalid marHoom-10
its mean i m late:teary1: