Sahilon se jo takrai thi ik sarkash lehar, mera kacha gharonda wo baha le gai
Bheegi ankhon main ashiyany ke sapnay liye dair tak rait par main chalti rahi
Kapkatay labon pe be-nava si doa, mo’ajzay ki talab main uthi falak tak nigah
Kion na gardish-e-aayaam ne sans lene dia, apni taqdeer roz palati badalti rahi
Apnay mathay pe liye lahu ik khwab ka, aik aur mahtaab rakh ho gaya
**Moom ke tanhaa chand hi ki tarah aj ki shaam bhi to piGhalti rahi!
**
*Wo haya, wo doa, hai wafa ki tasveer jo, kehny walay kahain bint-e-hava usay
*Shehr-e-inayaat teri zulmat ke eendhan main wo roz ghulti rahi, roz jalti rahi!
Mohabton ke shehr main hai ab ajab si hava, koi mukhlis nai koi apna nai
Kia kahon zard maTi mein anGan ki kion, nafaraton ki amar-bail palti rahi
Soz bhi tha waheen, saaz bhi tha waheen, qehqahon main matam ki amaizishen
Hakim-e-shehr bata teri nagri mein kion, aisi bad-e-saba roz chalti rahi?
Waqt guzra hoa kabhi milta nai, phir kion aey dil malaal karta hai tu
Usay haar kar ana ki is jang main, jeet kar bhi main hath malti rahi!
**Ke phir tha judaai ka taveel rasta, ke kia tha phir beGaanGi ke siva
****Jantay bojhty ye haqeeqat bhi main mehr ki aag mein khud hi jalti rahi!
**
… lagta hey khoob mehnat ki is pe aap ney 
Thanx for sharing it with us 
