Un ko shikwa hai ke hijR mien kion tarpayaa sarii raat
Jis ki khatir raat luta dee chaiin na payaa sarii raat
Un ke andesho`N mien dil ne kaise kaise ghabra ker
Seene ke deewar-o-darr se sar takraya sarii raat
Un se shikwa kaisa jin ki yaad ne beth ker pehlo mien
Sarii raat ankho`N mien kattii durd batayaa sarii raat
Un se shikayat kis moun se jin ke hoon ehsaan boht
Jin ki komal yaad ne dukhtaa dil sehlayaa` sarii raat
Rootay rootay seene pe surr rakh ker su gayee un ki yaad
Koun piya tha koun premii? bhaidhh na payaa sarii raat
Wo yaad aaye jin ke ansoo thay ghum ki khata
Mere saamnay beth ker roye dukh na batayaa sarii raat
Wo yaad aaye jin ke ansoo ponchne wala koi na tha
Sojay nain dekhaye apne aur rulaya sarii raat..
