Kuch Iss Ada Se Aaj Wo Pehloo NashiN Rahay
Jab Tak Hamaray Pass Rahay Hum NahiN Rahay
Ya Rab Kissi Ke Raaz-e-Mohabbat Ki Khair Ho
Dast-e-JunooN, Rahay na Rahay, AasteeN Rahay
Dard-e-Gham-e-Firaq Ke Ye Sakht Marhalay
HairaN HooN MaiN Ke Phir Bhi Tum Itnay HaseeN Rahay
Ja Aur Koi Zabt Ki Dunya Talash Kar
Ay Ishq Hum To Ab Teray Qabil NahiN Rahay
Allah Chashm-e-Yaar Ki Maujiz BayaniyaN
Har Ik Ko Hai GumaN Ke Mukhatib HameeN Rahay
Iss Ishq Ki Talafi-e-Maafat Dekhna
Ronay Ki HasrateiN HaiN Jo Ansoo NahiN Rahay
