Re: “Roman Urdu” typing
lol Kaka…baat to aapkii munaasib hai magar mujhe yeh 'arz karnaa hai k:
yeh to aisii hii baat huii k jo sur-taal meN gaaye uske gaane par ai’taraazaat hoN kiuN k classic gaanaa aasaan nahiiN hai…
bhai mere, ek saHeeH tareeqa hotaa hai aur ek ghalat tareeqa…jab koii Ghalat taHreer type karne kaa tareeqa raa’ij ho jaaye aur use Ghalat ke bajaaye saHeeH samjhaa jaaye to is tarz-e-taHreer ko Ghalat ul 'aam kahte haiN.
ab Ghalat-ul-'aam meN merii to koii Ghalatii nahiiN.
duusrii baa, chuN k Urdu meN hazaarhaa aise alfaaz haiN jinkaa ham Hind o Paak meN saHeeH talaffuz iste’maal nahiiN karte to aise alfaaz jinkii aawaazeN yaksaaN haiN magar ma’nii judaa judaa to in alfaaz ko agar unkii hijje ke mutaabiq likhaa jaaye to paRhne waale ko kam az kam ifhaam o tafheem meN aasaanii hogii.
maiN sirf ek hii misaal duuNgaa:
Hindi kaa lafz sahi aur 'Arabii kaa lafz saHeeH ham ek hii tareeqe se bolte haiN jab k donoN ke ma’aanii alga alag haiN. ab in meN farq zaahir karne ke liye likhaavaT bhii hijje ke mutaabiq hii honii chaahiye.
mere Khayaal se hameN roman rasm ul Khat meN saHeeH aue vaazeH taur par Urdu likhne ko faroGh denaa chaahiye na k us par tanqeed aur tanqees kii jaaye.
shukria. 
end meN
pasand apnii apnii, Khayaal apnaa apnaa aur likhaavaT anii apnii! 