Jab tu paida hua, Kitna majboor tha
Ye jahan teri sochon se bhi door tha
Haath Paon bhi tab tere apne na the
Teri aankhon main duniya k sapne na the
Tujh ko aata tha jo sirf rona hi tha
Doodh pi k tera kaam soona hi tha
Tujh ko chalna seekhaya tha Maan ne teri
Tujh ko dil main basaya tha Maan ne teri
Maan k saaye mai parwan charhne laga
Waqt k saath qad tera barhne laga
Dheere dheere tu karhiyal jawan ho gaya
Tujh pe saara jahan meherban ho gaya
Zor-e-baazu pe tu baat karne laga
Khud hi sajne laga khud sawarne laga
Aik din aik haseena tujh ko bha gai
Ban k dulhan wo tere ghar aa gai
Farz apne se tu door hone laga
Beej nafrat ka khud hi tu bone laga
Phir tu Maan Baap ko bhi bhulane laga
Teer baton k phir tu chalane laga
Baat be baat un se tu larne laga
Qaeeda ik naya phir tu parhne laga
Yaad kar tujh se Maan ne kaha aik din
Ab hamara guzara nahi tere bin
Sun k ye baat tu taish main aa gaya
Tera ghussa teri aqal ko kha gaya
Josh main aa k tu ne ye Maan se kaha
Main tha khaamosh sab dekhta raha
“Ajj kehta hon peecha mera chor do
Jo hai rishta mera tum se wo tor do”
“Jao ja k kahin kaam dhanda karo
log marte hain tum bhi kahin ja maro”
Baith kar aahen bharte the wo raat bhar
In ki aahon ka tujh pe howa na asar
Aik din baap tera chala rooth kar
Kaise bikhri thi phir teri maan toot kar
Phir who bebus ajal ko bulati rahi
Zindagi is ko har pal satati rahi
Aik din maut ko bhi taras aa gaya
Is ka rona bhi taqdeer ko bha gaya
Ashk aankhon main the wo rawana hui
Maut ki ik hichki bahana hui
Ik sakoon is k chehre pe chaane laga
Phir tu miyyat ko is ki sajane laga
Muddaten ho gain aj boorha hai tu
Jo para tooti ghutiya pe koora hai tu
Tere bache bhi ab tujh se darte nahi
Nafratain hain muhabbat wo karte nahi
Dard main tu pukare k O Meri Maan..
Tere dam se roshan the donon jahan
Waqt chalta rahe waqt rukta nahi
Toot jata hai wo ju jhukta nahi
Ban k tu ibrat ka ab nishan reh gaya
Dhoond! zor tera kahan reh gaya…….?
Good Balle Bhaie Balle Kiya Baat hay:blush: