Re: Reflections…
Umda Nihal Bhai :k:
Re: Reflections…
Nice Nihal :k:
Re: Reflections.....
Uzr aane mein bhi hai
Uzr aane mein bhi hai aur bulaate bhi nahin
Baais-e-tark-e-mulaaqat bataate bhi nahin
Kya kaha phir to kaho hum nahin sunte teri
Nahin sunte to hum aison ko sunaate bhi nahin
Khoob parda hai ke chilman se lagen baithe hein
Saaf chupte bhi nahin saamne aate bhi nahin
Ho chuka tark-e-taalluk to jafaayen kyon hon
Jinko matlab nahin rehta vo sataate bhi nahin
Ziist se tang ho ae 'Daagh' to jeete kyon ho
Jaan pyaari bhi nahin, jaan se jaate bhi nahin
- by Daagh Dehlvi