main nazar se pii rahaa huuN ye samaa badal na jaaye
main nazar se pii rahaa huuN ye samaa badal na jaaye
na jhukaao tum nigaahen kahiin raat Dhal na jaaye
mere ashk bhii hain is mein ye sharaab ubal na jaaye
meraa jaam chhuunevaale teraa haath jal na jaaye
abhii raat kuchh hai baaqii na uThaa naqaab saaqii
teraa rind girate girate kahiin phir sambhal na jaaye
merii zindagii ke maalik mere dil pe haath rakhanaa
tere aane kii Khushii mein meraa dam nikal na jaaye
mujhe phuuNkane se pehale meraa dil nikaal lenaa
ye kisii kii hai amaanat kahiin saath jal na jaaye