sunlo beshaq ALLAH ke waliyo par
na kuch khauf hai na kuch ghum.
(surah yunus)
- waliyo se dusmani ka anjaam :
hadis ka khulasa hai ki : jo ALLAH ke
kisi dost se dusmani rakhe to tahqiq
usne ALLAH se elaane jung kar diya.
(Sunan Ibne Majah) - Ambiya-e-Kiram ka zikr ibaadat
hai aur Auliya-e-Kiram ka zikr
gunaho ka kaffara hai.
(Fathul kabir : jild-2, pgae-20)
Gaus-e-Aazam Dastagir rehmatullahi
alayhi ki wiladat 1 ramzan 47O hijri
me baroz jumma ke din Jilaan me
huyi isi liye aapko Jilani bhi kehte
hai. - Gaus-e-Pak ki shan : bachpan me
Aap jab madrase tashrif le jaate to
gaib se aawaz aati ke ALLAH ke wali
ko jagah de do.
(Qutube Qasira) - Karamate Gaus-e-Pak : Aap ki
aawaz jaise najdik walo ko sunayi
deti wese hi door walo ko bhi
sunayi deti thi.
(Bahjatul Asrar) - Aap (Gaus-e-Pak) ki paidaish ke
2OO saal pehle hi Junaid Baghdadi
ne Aap ki wiladat ki khabar di aur
farmaya mein abhi se hi unka
qadam apne sir par le raha hoo.
(Tazkiratul Auliya)