***Rasm ta zindgi nibhain gey
hum yunhee muskurain jaen gey
dil pay khanjar chalein hazar magar
lab pay shikwa kabhi na laein gey
tu na chahey humein teri marzi
hum tu mar kar bhi tujh ko chahein gey
dil mein rakhtey they hum gumaan kia kia
tu jo rothey gi hum manahen gey
aa gae abb tu teray dar par hum
jaan sey jaen gey par na jaein gey
ashk e ghum hein terey ashaar Aziz
aisey moti sadaf kia paein gey***