Ranjish he sahi dil he dukhanay kay liay aa
Aa phir say mujhay chorr kay jaanay kay liay aa
Kuch tou meray PINADAR E MUHABBAT ka bharam rakh
Tou bhi tou kabhi mujh ko mananay kay liay aa
Pahlay say marasim na sahi phir bhi kabhi tou
Rasm o rah e dunya he nibhanay kay liay aa
Kis kis ko bataingay judai ka sabab hum
Tou mujh say khafa hay tou zamanay kay liay aa
Ek umer say hoon lazzat e giryah say mahroom
Ay rahat e jaan mujh ko rulanay kay liay aa
Ab tak dil e khush faham ko hain tujh say ummmedain
Yeh aakhiri sham’aain bhi bujhanay kay liay aa
( AHMED FARAZ )
