*ranjish hi sahi dil hi dukhaane ke liye aa *
aa phir se mujhe chhod ke jaane ke liye aa
pahale se maraasim na sahi phir bhi kabhi to
rasm-o-rahe duniyaa hi nibhaane ke liye aa
*kis kis ko bataayenge judaa_i kaa sabab ham *
*too mujh se kKhafaa hai to zamaane ke liye aa *
kuchh to mere pindaar-e-muhabbat ka bharam rakh
too bhii to kabhi mujh ko manaane ke liye aa
*ek umr se hoon lazzat-e-giriyaa se bhi maharoom *
*ai raahat-e-jaan mujh ko rulaane ke liye aa *
*ab tak dil-e-khush_faham ko tujh se hain ummeeden *
*ye aaKhiri shammen bhi bujhaane ke liye aa *
*maanaa ki muhabbat kaa chhipaanaa hai muhabbat *
*chupake se kisi roz jataane ke liye aa *
*jaise tujhe aate hain na aane ke bahaane *
*aise hi kisi roz na jaane ke liye aa *