Salams,
Can someone translate this in to English:
Raizah raizah hey Ummat ka aman-o-sakoon
Haal-e-dil dostown kis zuban sey kahoon
Thokarein khaathi phirthi hey yeh dar badar
Khaa gia hey osey bhi fareyb-e-nazar
ManziloN ka nishaaN Mera Qaid
Ehd-e-nu ki zuban Mera Qaid
Fikr-e-maghrib ney kitney bhujhaey diye
Mard-e-haq ney hein kitney jalaey diye
Shehr-e-jaan mein charaag-e-wafa bhi nahein
Shab ky honton pe harf-e-dua bhi nahein
Manzilon ka nishaan Mera Qaid
Ehd-e-nu ki zuban Mera Qaid
Gulastaan mein hein tehzeeb-e-maghrib ky rang
Hai dilon mein koi walwalah na umang
Jism-o-jaan hein muqayd meray aaj bhi
Ab barhanah saron pe sajay taaj bhi
Manzilon ka nishaan Mera Qaid
Ehd-e-nu ki zuban Mera Qaid
Apna kirdaar nilaam hey kar diya
Daman-e-dil janazon hi say bhar diya
Ab badan mein hirarat na husn-e-amal
Teri khusboo chaman mein na koi kanwal
Manzilon ka nishaan Mera Qaid
Ehd-e-nu ki zuban Mera Qaid
Maqtal-e-jaan mein mujrim hein sab ey Khuda
Bandagi ko sehr sey hein kab aashana
Mosam-e-gul gulastan mein kab aey ga
Phool, jugnu, dhank khwaab kab laey ga
Manzilon ka nishaan Mera Qaid
Ehd-e-nu ki zuban Mera Qaid
Maqtal-e-jaan mein mujrim hein sab ey Khuda
Bandagi ko sehr sey hein kab aashana
Mosam-e-gul gulastan mein kab aey ga
Phool, jugnu, dhank khwaab kab laey ga
Manzilon ka nishaan Mera Qaid
Ehd-e-nu ki zuban Mera Qaid
Ummat bey nawa ko nazar kha gaee
Ab muqadar pey kaali ghataa chaa gaee
Zindagi, miqtal ummat bey khabar
Har lutaira apna aaj hey mu’tabar
Manzilon ka nishaan Mera Qaid
Ehd-e-nu ki zuban Mera Qaid
Har jagah zalamon ney sitaya bhi hey
MaaN ki mamta ko shab bhar rulaya bhi hey
Aj har so ghata zulm ki chaee hey
Aansuwon kay samandar bohot laee hey
Manzilon ka nishaan Mera Qaid
Ehd-e-nu ki zuban Mera Qaid