Zindagi aek rail gaarri hey
aur jism aek injan hey jis meiN
tavaatar sey har guzartey saal
umr ke dabbey lagtey rehtey heiN
aur waqt ki pattrri par har dam
ye gaarri chalti rehti hey
phir kuch stations aatey heiN
jahaN haalaat seeti bajaatey heiN
aur gaarri rukney lagti hey
sab kuch tthehar sa jaata hey
yehi to waqt bhi chahata hey!
Gaarri kuch dier wahaN ruk kar
phir sey aagey barrhti hey
kabhi to yuN bhi hota hey
ke koi station aata hey
jahaN koi rakht-e-safar baaNdhey
umeedoN ki ticket ley kar
barri hasrat sey gaarri ko
deikhta hi reh jaata hey
yahaaN gaarri ruk nahi sakti
ke haalaat ke is station sey
waqt ko kuch nahi lena!
Gaarri bas chalti rehti hey
seyNkarroN manziloN ke darmiyaan sey
shor ki gard urratey huwey
aagey barrhti rehti hey
rastey kat’tey rehtey heiN
umr ki rail gaari meiN
dabbey lagtey rehtey heiN!
Phir wo lamha aata hey
ke waqt ki bichai hui pattri
apney anjaam ko aati hey
ik jaga pe ruk si jaati hey
ik barra station dikhta hey
jahaN par jism ka injan
saaloN ke saarey dabboN sey
sab naatey torr deta hey
ye waqt ka aakhri station hey
musaafat ke heiN jo rishtey yahaN pe haath nahi aatey
ke injan ki aakhri manzil tak dabbey saath nahi jaatey!
Thanx a lot **parissenoor, Pakeeza ** and fara for liking it
Pleasant surprise to know that people here still read poetry attentively and think about what they are reading. I have a passion for train journey but somehow couldn’t get one since 2000. Life is also like journey – perhaps like a train journey. At least I find similarity between these two things. Thanx for liking it
shabash!