Yeh jo raig-e-dasht-e-firaaq hai, Yeh rukay agar
Yeh rukay agar tou nishan milay, ye nishan milay
Ke jo faaslon ki saleeb hai
Ye garhi howi hai kahan kahan
Mere aasman se kidher gai tere iltafat ki kehkashan
Mere bekhabar, Mere baynishan
Ye rukay agar tou pata chalay
Mai tha kis nagar, Tu raha kahan!
Ke zaman o makan ki wusetian
Tujhay daikhnay ko taras gain
Wo mere nasib ki barishain
Kisi aur chatt per baras gain!
Mere char-soo hai wo gubhar-e-jaan,Wo fishar-e-jaan
Keh khabar nahi mere hath ko mere hath ki
Mere khawb say tere baam tak
Teri rahguzer ka to zikar kiya
Nahi zoofishan tera naam tak!
Hain dhowan dhowan mere isthakhwa
Mere aansuon mein bujhay huwe mere istakhwan
Mere naqsha gar, mera naqsha jaan
Isi raig-e-dasht-e-firaq mein rahay muntazir, tere muntazir
Mere khawb jin k fishaar mein
Rahi mere haal say bekhabar
Teri rahguzar
Teri rahguzar k jo naqsh hai mere hath per
Magar is bala ki hai teergi
Keh kahbar nahi mere hath ko mere hath ki
Wo chasm e shoubda saaz thi wo uthay agar
Mere istakhwan mein ho roshni
Isi aik lamha e deed mein teri rahguzer
Meri tira jaan mein chamak uthay
Mere khawb say tere baam tak
Sabhi manzaron mein damak uthay
Isi aik pal mein ho jaavidan
Meri arzoo k hai be-karan
Meri zindagi k hai mukhtsir
Ye jo raig-e-dasht-e-firaq , ye rukay agar…
Re: Raig-e-dasht-e-firaaq....
buhat umdaa
thanks for sharing
Re: Raig-e-dasht-e-firaaq....
Sadaf aap bhee meri terhaan Amjad Islam Amjad ki fan hain.. thanks for this beautiful sharing..
Re: Raig-e-dasht-e-firaaq…
bohat bohat bohat khooob :k:
Re: Raig-e-dasht-e-firaaq....
I have been in love with it ever since I first saw it. What an amazing piece of poetry. Thanx Sadaf for bringing it up again :)
Re: Raig-e-dasht-e-firaaq…
Very nice Sadaf :k:
Re: Raig-e-dasht-e-firaaq…
Fara mujy to har achay shair ki shairy pasand hai aur Amjad Islam Amjad ki to kia hi baat hai
boht boht boht shukariya
so true..its really amazing
Thank you