Raat chup chaap safar karti hai
dil ki wehshat ka talatum bhi thehar jaata hai
neend tareek hawiley ki tarah
aankh say door fazaoun main ataaq jaati hai
or phir rooh k weeraan zamanon say kaheen
teri awaaz chali aati hai
phailta jaata hai lehjoun ka fusoon
sarsaratay huay pattoun ki sada
kaheen awaara hawa ki dastak
tairgi main kisi mitti k diyey ki dharkan
khuwaab ki chaap
sar shab kisi bhatkey huay bey khuwaab musaafir ka gumaan
or phir saari sadayain sab he gham
teri awaz main dhal jaatey hain
dhoondti phirti sadayain sar barbadi-e-dil
shehar dar shehar safar karti hain
or agar thehar bhi jayain kaheen ik do pal
ghamzada shehar main barbaad musafir ki tarah
bey nawa umr k zandaanon main
raat chup chaap safar karti hai
Hum jahan hon
Teri awaaz chali aati hai!!!
Raat chup chaap safar karti hai........
Raat chup chap safar karti hai
Hum jahan hon
Teri awaaz chali aati hai!!!!
I can imagine :( jab achanak se Ammi huzur Ki awaz aaye 'kambakhat abhi tak souye nahi sare ke sare' shudder
Re: Raat chup chaap safar karti hai…
Kia abhi bhi…?
Re: Raat chup chaap safar karti hai........
neend ki goli kha len.. shayad affaqa ho jae
Re: Raat chup chaap safar karti hai........
neend ki goli kha len.. shayad affaqa ho jae
Kon C?
Doctor k nuskhay k baghair mil ja`ay gi?
Re: Raat chup chaap safar karti hai........
Kon C? Doctor k nuskhay k baghair mil ja`ay gi?
Pakistan main nahin mile gi to aur kahan mile gi :p
Raat chup chaap safar karti hai........
Pakistan mai her dawa ba asani mil jati hai.
Re: Raat chup chaap safar karti hai…
Baat to Sach hy Magar…