‘Nasir’ kya kehata phirta hai kuch na suno to behtar hai
diivana hai deevane ke munh na lago to behatar hai
kal jo tha vo aaj nahin jo aaj hai kal mit jaayega
ruukhi suukhi jo mil jaaye shukr karo to behatar hai
kal ye taab-o-tavan na rahe gi, thanda ho jayega lahoo
naam-e-KHUDA ho javan abhi kuch kar guzaro to behatar hai
kya jane kab rut badale, halaat bhi ab tou theek nahin
ab ke safar men tum bhi hamaare sath chalo to behatar hai
kapare badal kar baal bana kar kahan chale ho kis ke liye
raat bohut kaali hai ‘Nasir’ ghar men raho to behatar hai
