Aik Ghazal,
Raat Bhi Neend Bhi Kahani Bhi
Haye! Kya Cheez Hai Javani Bhi
Aik Paighaam-E-Zindagani Bhi
Aashqi Marg-E-Nagahanii Bhi
Is Adaa Ka Teri Javaab Nahin
Meherbani Bhi Sargarani Bhi
Dil Ko Apne Bhi Gham Thay Duniya Main
Kuch Balaayen Thi Aasmaani Bhi
Mansab-E-Dil Khushi Lutata Hai
Gham-E-Pinhaa’n Bhi Paasbani Bhi
Dil Ko Sholo’n Se Karti Hai Sairaab
Zindagi Aag Bhi Hai Paani Bhi
Shaad’kaamo’n Ko Ye Nahin Taufeeq
Dil-E-Ghamagee’n Ki Shaadmani Bhi
Laakh Husn-E-Yaqee’n Se Barh’ker Hai
In Nigaahon Ki Badgumani Bhi
Taangna-E-Dil-E-Malaal Main Hai
Behr-E-Hasti Ki Bekaraani Bhi
Ishq-E-Naakaam Ki Hai Parchhai
Shaadmani Bhi Kaamrani Bhi
Dekh Dil Ke Nigaar’khhanay Main
Zakhm-E-Pinhaa’n Ki Hai Nishani Bhi
Khalq Kya Kya Mujhe Nahin Kehti
Kuch Sunuu’n Main Teri Zabaani Bhi
Aaye Taareekh-E-Ishq Main Sau Baar
Maut Ke Daur Darmiyaani Bhi
Apni Masuumiyo’n Ke Parde Main
Ho Gai Vo Nazar Sayani Bhi
Din Ko Suuraj Mukhi Hai Vo Nau’gul
Raat Ko Vo Hai Raat’raani Bhi
Dil-E-Badnaam Teray Baaray Main
Log Kehtay Hain Ek Kahani Bhi
Nazm Kertay Koi Na’ee Duniya
Ke Ye Duniya Hui Puraani Bhi
Dil Ko Aadaab-E-Bandagi Bhi Na Aaye
Ker Gaye Log Hukum’rani Bhi
Jaur-E-Kam’kam Ka Shukriya Bus Hai
Aap Ki Itni Meharbani Bhi
Dil Main Ek Huuk Bhii Uthe Ai Dost
Yaad Aai Teri Javani Bhi
Ser Se Paa Tak Sapurdagi Ki Adaa
Aik Andaaz-E-Turkamani Bhi
Paas Rehna Kisi Kaa Raat Ki Raat
Mehmaani Bhi Mezbani Bhi
Jo Na Aks-E-Jabeen-E-Naaz Ki Hai
Dil Main Ek Nuur-E-Kehkashani Bhi
Zindagi Hai Deed-E-Yaar “Firaq”
Zindagii Hijr Ki Kahani Bhi
(Firaq Gorakhpori)
Umeed Hai Aap Logon Ko Pasand Aye Gi..
Regards,