Raakh ke dheron main khwabon ka dhuwan dhoondte hain
Jo nahin jis jagah hum us ko wahan dhoondte hain
Saari dharti hamen phoolon se bhara thaal lagay
Hum bhi khushboo se bhara ek jahan dhoondte hain
**
Iss katehray main khaday hoke jane kab se
Apne haq main bhi koi ik bayan dhoondte hain**
**Jab wo manzar se paray tha to dil se tha qareeb
Pa liya usko to ab uska dhayaan dhoondte hain
Her sitam seh ke bhi hoon saath to hairat se na dekh
Ab yaqeen kho gaya, hum sirf gumaan dhoondte hain
Rait ki mit ti lakeeron main boht ghor se hum
Apni hi gum karda manzil ka nishaan dhoondte hain
Kitne saada hain ke nishane pe khaday hoke Batool
Teer ko thaam ke hathon main, Kamaan dhoondte hain
(Fakhira Batool)
**