Quaid's Day Special - Quaid kaa peghaam - Contribute your thoughts -

[AQ]

This is a Naz’m I just wrote few minutes back.

Please, share your feelings and thought or perhaps any of the songs for Quaid, any of his quotes that you like in this thread to pay tribute to Father of the Nation…

Here is my Naz’m:

Sar-zameen-e-paak kay aaj logoN ko tau dekho
aye Quaid teray naam lewaaouN ko tau dekho

Woh mulk jissay Islaam kay naam paY banaaayaa
Har ik nay yahaaN soobaa ik lisaaN paY banaayaa

sindhi hai koi, baloch koi, punjabi, koi paThaan
jo boltaY haiN urdu, alag rakhtaY haiN pehchaaN

Ik millat thaY kabhi, aaj hissoN maiN baTay haiN
Quaid, yeh teraY loug, aaj qoumoN maiN baTaY haiN

Teraa farmaan tamghay kee tarah seenoN paY sajaayaa
Naz’m, ittehaad hee, naa yaqeen-e-Mohkam hai bachaaya

Jo thaY qoum kaY muhaafiz, woh apnoN say laRay haiN
SeenoN peY zakh’m bhee hammaiN apnoN say paRay haiN

Aaj naa koi Iqbal hai, naa Liaquat, naa Jinnah hai
Safeenaa iss qoum kaa yooN doobti naao kee tarah hai

Aaj qoum kaY bachoN ko yehi peghaam-e-Jinnah hai
Dil musalmaaN kaa meraY bachoN! kundan kee tarah hai

Gardaab maiN iss qoum kee jub kashti phaNsi thee
tau hum naY bhee phir aazaadi kee ik jaNg laRi thee

Aaj phir naao hai hamaari bhaNwar kaY kinaaray
Mulk ko baRhnaa hai, abb tumhaaraY hee sahaaraY

Tum maiN bhee koi Iqbal bannaY, koi Jinnah bhee
Iss mulk ko bachaanaa hai abb kissi tarah bhee

• BY:** AQ**
  December 25, 2008

[Dushwari]

Re: Quaid's Day Special - Quaid kaa peghaam - Contribute your thoughts -

nice poem, AQ. a truly ethical and disciplined man is always a successful man. if Pakistani boys only looked up to, learnt from and tried to genuinely adapt Quaid's traits, in their lives and careers, the nation will become very successful.

[goodnews]

Re: Quaid’s Day Special - Quaid kaa peghaam - Contribute your thoughts -

Allah sab Pakistanion siasat dan o awam ko naiki ki tofeeq dy Ameen

[_Masoom_Muskaan]

Re: Quaid's Day Special - Quaid kaa peghaam - Contribute your thoughts -

boht khob bahe thx 4 sharng:)

[Aliyish]

Re: Quaid's Day Special - Quaid kaa peghaam - Contribute your thoughts -

Thanks for sharing :)

[dhobi_bhai]

AQ Bhai, very well-written! Your delivery and voice is very pleasant. If you will, please read the following verses in your voice, I would love to hear it:

---

Yoon dee humain azadee kay dunyaa howee hairaan
Aey Quaid e Azam, teraa ahsaan hay ahsaan

Har simat musalmanon pay cha'ee thee tabahee
Mulk apnaa thaa aur ghairon kay hathon main thee shahee
Aisey main uthaa Deen e Muhammad ka sipahee
Aur nara e takbeer say dee tu nay gawahee
Islaam ka jhandaa leye aayaa sar e maidaan
Aey Quaid e Azam, teraa ahsaan hay ahsaan

Dekha tha jo Iqbal nay ek khawab sohanaa
Us khawab ko ek roz haqeeqat hay bananaa
Yeh sochaa jo tu nay to hansaa tujh pay zamanaa
Har chaal say chaha tujhe dushman nay haraanaa
Mara woh tu nay daao kay dushman bhee gaye maan
Aey Quaid e Azam, teraa ahsaan hay ahsaan

Larnay kaa dushmanon say ajab dhang nikalaa
Na top, naa bandooq, na talwaar, naa bhaalaa
Sachaaee kay anmol asooloon ko sambhala
Jinnah tere paigham main jadoo thaa niralaa
Emaan waley chal parey sun kar teraa farmaan
Aey Quaid e Azam, teraa ahsaan hay ahsaan

Punjab say Bangal say jawan chal parey
Sindhi Balochi Sarhadi Pathan chal parey
Ghar baar chore, be sar o saman chal parey
Haath apne MahaJir liye Quran chal parey
Aur Quaid e Millat bhi chalay honay ko qurban
Aey Quaid e Azam, teraa ahsaan hay ahsaan

Naqshaa badal kay rakh diaa es mulk kaa tu nay
Sayaa tha Muhammad (Peace Be Upon Him) ka Ali ka tere sar pay
Dunya say kaha tu nay "koi hum say na uljhey"
Likhaa hay es zameen pay shaheedon nay lahu say
Azaad hain, azaad rahain gay yeh musalmaan
Aey Quaid e Azam, teraa ahsaan hay ahsaan

[goodnews]

Re: Quaid’s Day Special - Quaid kaa peghaam - Contribute your thoughts -

^ Aap bhi perhiy na apni awaz main phi AQ sy bhi sun lain gy:faizy:

[sweefs]

Re: Quaid’s Day Special - Quaid kaa peghaam - Contribute your thoughts -

:k: