meri zindagi tu faraaq hei,wo azal se dil mei makee’n sahii
wo nigah-e-shauq se duur hei rag-e jaa se laakh qaree’n sahii
hamein jaan deni hei ek din, wo kisi tarha wo kahin sahii
hamein aap khichiye waar pe, jo nahin koi to hamee sahii
sar-e-tuur sar-e-hashr ho, hamein intezar qubool hei
wo kabhi milein,wo kahin milein, wo kabhi sahii, wo kahin sahii
na ho un pe mera bass nahi, ke ye aashiqui hei hawas nahi
mei unhii ka tha, mei unhi ka huun, wo mere nehi toh nehi sahii
mujhe baithne ki jagah mile, meri aarzuu ka bharam rahe
teri anjuman mei agar nehi, teri anjuman ke qaree’n sahii
tera dar toh humko na mil saka, teri rahguzar ki zamee’n sahii
hame sajda karne se kaam hei,jo wahan nehi toh yaheen sahii
meri zindagi ka naseeb hei nahin dour mujhse qareeb hei
mujhe uska gham to naseeb hei wo agar nehi to nehi sahii
jo ho faesla wo sunaiye,usse hashr par na uthaiye
jo karenge aap sitam wahan,wo abhi sahi, wo yaheen sahii
usse dekhne ki jo lau lagi to Qateel dekh hi lenge hum
wo hazaar aankh se dour ho, wo hazaar purdah nashee sahii
Qateel Shifai
