**qadam usii moR par jame haiN
nazar sameTe hue khaRaa huuN
junuuN ye majabuur kar rahaa hai palaT ke dekhuN
Khudii ye kahatii hai moR muR jaa
agarche ehasaas kah rahaa hai
khule dariiche ke piichhe do aaNkheN jhaaNkatii haiN
abhii mere intazaar meiN vo bhii jaagatii hai
kahiiN to us ke goshaa-e-dil meiN dard hogaa
use ye zid hai ki maiN pukaaruN
mujhe taqaazaa hai vo bulaa le
qadam usii moR par jame haiN
nazar sameTe hue khaRaa huuN **