Pyar mujh say jo kiya tum ne to kya pao gi
Merey halaat ki andhi may bikhar jao gi
Ranj or dard ki basti ka may bashinda hoon
Yeh to bas may hoon kay is haal may bhi zinda hoon
Khuaab kyoun daykhoon woh kal jis pe may sharminda hoon
May jo sharminda hua tum bhi to sharmao gi
Pyar mujh say jo kiya tum nay to kya pao gi
Kyoun merey sath koi aur pareshan rahay
Meri duniya hai jo veeran to veeraan rahay
Zindagi ka yeh safar tum pe to asaan rahay
Hamsafar mujh ko banao gi to pachtao gi
Pyar mujh say jo kiya tum nay to kya pao gi
Ek may kya, abhi ayengay deewanay kitnay
Abhi goonjaingay mohabbat kay taranay kitnay
Zindagi tum ko sunaye gi fasanay kitnay
Kyoun samajhti ho mujhey bhool nahi pao gi
Pyar mujh say jo kiya tum nay to kya pao gi
Pyar mujh say jo kiya tum nay to kya pao gi
Merey halaat ki andhi may bikhar jao gi
Javed Akhtar
Put into ghazal form by Jagjit Singh. :k: