Pyar ki ik Nazm by me
Mai din bhar tairay baaray mai youhi gum sum sa rehta houn
Mai tairay pyar mai khush houn magar chup chup sa rehta houn
Mujhay lagta hai tairay dil ko bhi mujh say hi chahat hai
Magar itna tou kehdo na tumhai mujh say mohabbat hai
Mai tum say yea nahi kehta kay mairay ho kay reh jao
Magar is Dil ki baat ko suno aur kuch tou keh jao
kay dil ko baat karnay ki sirf tum say hi aadat hai
Magar itna tou kehdo na tumhai mujh say mohabbat hai
Meri nazroo’n mai daikhoo gee tou chehra apna hi pao gee
Magar itna bata do naa abhi kitna satao gee
Kay dil ki baat kehnay say tumhai kaisi bagawat hai
Magar itna tou kehdo na tumhai mujh say mohabbat hai
Tu meri zindagi hai jaan tujhay kaisay mai samjhaon
Agar keh do to is jaan say guzar kay mai dikhlaon
Mai taira houn azal say Bus meri jaan yea haqeeqat hai
Magar itna tou kehdo na tumhai mujh say mohabbat hai
Khudara haan kehnay say ab tum yun na ghabrao
Aur Dil ki baat kehnay say ab tum yun na sharmao
Wagarna yea meri zindagi ka waqt-e-aakhir hai
Magar itna tou kehdo na tumhai mujh say mohabbat hai
Mujhay her waqt her lamha teri hi yaad aati hai
Bina tairay yea meri zindagi bhi ruk si jaati hai
Tumhaaray Bin to sansain aakhir ki laina qayamat hai
Magar itna tou kehdo na tumhai mujh say mohabbat hai