puuchaa kisii ne haal kisii kaa to ro diye

Arts & Culture Poetry ( Intikhaab & Sho'ra-e-Gupshup)
1

puuchaa kisii ne haal kisii kaa to ro diye
paanii meiN aks chaaNd kaa dekhaa to ro diye

naGhmaa kisii ne saaz par chheRaa to ro diye
Ghunchaa kisii ne shaaKh se toRaa to ro diye

uRtaa hu’aa Ghubaar sar-e-raah dekh kar
anjaam ham ne ishq kaa sochaa to ro diye

baadal fizaa meN aap kii tasviir ban gaye
saayaa ko’ii Khayaal se guzraa to ro diye

rang-e-shafaq se aag shiGhuufoN meN lag gayii
“Saghar” hamaare haath se chhalkaa to ro diye

Saghar Siddiqui

2 Likes
2

Re: puuchaa kisii ne haal kisii kaa to ro diye

This is so beautiful...................strange, but makes one want to feel the pain of love........

2 Likes
3

Re: puuchaa kisii ne haal kisii kaa to ro diye

poetry at its beautiful best....and equally at its audio best when u hear Nusratji portray the pain.

Revival of Pak film industry - absolutely necessary for our cultural development
4

Re: puuchaa kisii ne haal kisii kaa to ro diye

nice sharing :k:

5

Re: puuchaa kisii ne haal kisii kaa to ro diye

Aap burra na maano tou main 2, 4 baaltiyan bharr lon ?? :halo:
darrte darrte pooching

6

Re: puuchaa kisii ne haal kisii kaa to ro diye

duoob marnay ko tu chuloo bhar Pani hee kafi hota hai , baaaltiyon ka kia karna hai ? :cb:

7

Re: puuchaa kisii ne haal kisii kaa to ro diye

laikin aik problem hai na.. maire chotay se haath mein aap kaise doboo ge, baalti bharr layne do phir doob jaana… :chai: