Poetry Forum ya Seyaasi Halqa !!!

Arts & Culture Poetry ( Intikhaab & Sho'ra-e-Gupshup)
1

? ! ? ! ? ! ? ! ? ! ? ! ?

Kabhi Saddaam ka maatam, kabhi hijaab ka hai
YahaaN kitaab nahi, mas’ala nisaab ka hai

Kabhi Yahood o MusalmaaN milaaye dete ho
Ajeeb Dhang tuhaare gunah, sawaab ka hai

Ye bazm-e-she’r o sukhan thi, maqam-e-raahat thi
YahaaN bhi ab to samaaN jaise ik azaab ka hai

CHupe cHupe hoN mazameeN yehi taghazzul tha
Par ab yahaaN to koi khabt inqalaab ka hai

Hai inqalaab ka sauda to inqalaab likho
Main maanta huN k ye waqt iztaraab ka hai

Magar Khuda k liye soch kar likho logo
Huroof ki bhi pakaR hai, peher hisaab ka hai

Amal, Amal ki yahaaN kucH nahi amal-daari
Khud apne naam se hi beir kucH janaab ka hai

Kisi k lafz churaaye, baTor lee wah waa !!!
Vujood kis liye Khatoon !!! “Intakhab” ka hai

Kisi k lafz sudhaaro to bigaR jaate hain
Maqaam shukriye ka hai k peich o taab ka hai !!!

Jo seedhi baat hi karni hai to “nasar” likh lo
Nazaar “nazm” pe kiyuN waqt ye itaab ka hai !!!

Hamaari bazm k kucH aur bhi ilaaqe hain
YahaaN to kaam zara aaNsuoN ka, khwaab ka hai

YahaaN to khilne ko aate hain ghuncha-haaye-sukhan
YahaaN to zikr zara khwahisoN k baab ka hai

YahaaN hain hijr k maare, visaal k maare
Zara sa zikr gulaaboN ka hai, sahaab ka hai

Gham-e-douraaN se ghaRi do ghaRi qaraar miley
YahaaN pe zikr, “faqat zikr” hi sharaab ka hai

Ye sinf sirf “zubaaN” ki taraqqiyoN k liye
Par is ka haal hai wo jo dil-e-kharaab ka hai

Ye sinf tere liye to naheeN bani waa’iz !!!
So is ko cHoR, tujhe shauq gar khitaab ka hai !!!

Ye dabistaan-e-adab hai ya seyaasi halqa ???
Basss intazaar mujhe ab mere jawaab ka hai
===========

[RIGHT]19 - 01 - 2007 | 8:27 am[/RIGHT]

2

Re: Poetry Forum ya Seyaasi Halqa !!!

This made my day!!!

Buhat acha kaha... a big slap on the face of many.

3

Re: Poetry Forum ya Seyaasi Halqa !!!

Tujhey jawab na mil paaye ga yahaaN se kabhee
yeh tamasha-e-sukhan munsif-e-nayaab ka hay

Adab arz hay

4

Re: Poetry Forum ya Seyaasi Halqa !!!

Bohat khoob zaamil jee har ik shair sacha hai ! Ab yahan jawab mushkil se he aaye ga cuz kuch loog ab sukoon ki si kaifiyat main hain !chalta hoon khush rahiye Amin !!!

5

Re: Poetry Forum ya Seyaasi Halqa !!!

Poetry Forum ya Seyaasi Halqa !!!

Official intro for Poetry Forums from the GS Administration:

[quote]

A place to express yourself. Did you just remember a great piece of poetry? Or you made up something? Put it here. Let us all read you!
[/quote]

Hum kisi ko mehaz is leeye likhney sey nahi rok saktey ke koi muaasharti haqaaiq aur ravaiyoN ki baat kar raha hey: Baqol Faiz: Aur bhi dukh heiN zamaaney meiN mohabbat ke siwa :~) You may disagree with me, as I very regretfully do with you. I am sorry.

6

Re: Poetry Forum ya Seyaasi Halqa !!!

kiya khoob, kiya khoob mashaa allah

7

Re: Poetry Forum ya Seyaasi Halqa !!!

Dosto, I was going through a personal tragedy and therefore, was not in a right frame of mind to be here. I sincerely pray nobody goes through what I did recently. Aap ke comments ke leeye bohat shukriya :~)

8

Re: Poetry Forum ya Seyaasi Halqa !!!

^ I didn't mean it to be personal and I appologize if thats what it sounded like. I was just enjoying what he had to say. I certainly don't expect you to be here 24/7.

9

Re: Poetry Forum ya Seyaasi Halqa !!!

I feel it was very much personal. "Enjoyment" does not need to be at others' expense. Anyway, I made my clarification and accept yours. I hope it ends here.

10

Re: Poetry Forum ya Seyaasi Halqa !!!

^ I don't know you enough to make personal attacks.

11

Re: Poetry Forum ya Seyaasi Halqa !!!

hmmm shikwah

will you write the jawaab-e-Shikwah or do you want someone else to write it for you :)?

achi tukk bandi hai, zameen acchi hai, khitaab acchaa hai
zubaaN aur teer maiN lagtaa hai rishta azal kaa hai

12

Re: Poetry Forum ya Seyaasi Halqa !!!

Hats off to you,my friend.This was much needed as no one coming out before.I always tried to keep this forum as a forum of senetive human beings irrespective of religions n was saying itagain n again.
I hope now it will stay like that or I request the adminstrator to delete such posts whenever those are posted.And if it is repated then,debar the member altogether.I once wrote:
Hindu dair jaayaay,ka'aba jagah-e-musalmaaN hai
MaiN tau faqt insaaN hooN meri jagaah kahaaN hai?
Thanx once again

13

Re: Poetry Forum ya Seyaasi Halqa !!!

Hum kisi ko mehaz is leeye likhney sey nahi rok saktey ke koi muaasharti haqaaiq aur ravaiyoN ki baat kar raha hey: Baqol Faiz: Aur bhi dukh heiN zamaaney meiN mohabbat ke siwa :~) You may disagree with me, as I very regretfully do with you. I am sorry.

[/quote]

Muaasharti haqaaiq aur ravayyoN ki baat....
Huzoor shayad main apni baat waazeh nahi keh paaya, bhala mujhe kab aaitraaz hai is baare mein likhne par, main to ye keh raha huN;

CHupe cHupe hoN mazameeN yehi taghazzul hai

Hai inqalaab ka sauda to inqalaab likho
Main maanta huN k ye waqt iztaraab ka hai

Magar Khuda k liye soch kar likho logo
Huroof ki bhi pakaR hai, peher hisaab ka hai

Jo seedhi baat hi karni hai to "nasar" likh lo
Nazaar "nazm" pe kiyuN waqt ye itaab ka hai !!!

Ye sinf sirf "zubaaN" ki taraqqiyoN k liye
Par is ka haal hai wo jo dil-e-kharaab ka hai

Ab shayad meri baat waazeh hui ho...
Dosto, shaairy ki rooh ko samajhiye, aap apni baat bhi kar lein, samajhne waale samajh bhi lein aur koi aap k lafz pakaR bhi na sake. Agar seedhi seedhi ungliyaaN uThaani hain to nasar is kaam k liye best hai, Urdu sho'raa ne jitna faiz Urdu zubaan ko pohNchaaya hai shayaad hi kisi aur sinf k logoN ne pohNchaaya ho. Sirf isi liye main Farhat aur Saad jaise shaairoN ko sahi shaayar nahi samajhta.

Ab mera ye she'r dekhiye;

Beta mera namaaz ko masjid gaya tha aaj
Maatam k liye laash bhi baaqi naheeN rahi

Main ne is tarha k sabhi waaqeaat ka zikr is she'r mein kia hai, kisi eik khaas waaqe ko point out nahi kia, Nishtar Park ka naam nahi lia, Kisi Masjid ka naam nahi lia. Main ne apne she'r ki misaal is liye nahi d k main koi baRa shaayar huN, sirf eik example d hai. Sab ko pata hai k Karachi mein kya hota raha hai, Mohsin ne Karachi ka naam le kar apne she'r ko baandha nahi, ye she'r dekhiye Mohsin ka;

Qatl cHupte they kabhi sang ki deewaar k beech
Ab to khulne lage maqtal bhare baazaar k beech

Taghazzul ki rooh ko samajhiye khudaara, tashbeeh, ista'aara, ye sab shaairy k johar hain, dimaagh laRaaiye, mehnat kijiye, arq reizi hi nikhaar laaye gi kalaam mein. Main aaj ye baat daawe se keh sakta huN k agar seedhi seedhi baatein karni hoN to shaayad main 1 laakh ghazlein bhi aaraam se likh sakta huN.

Chalta huN,
Fee-Amaan Allah.

~Guess the chatters/chatternis age~
14

Re: Poetry Forum ya Seyaasi Halqa !!!

hmmm.. makes sense...

Amal, Amal ki yahaaN kucH nahi amal-daari
Khud apne naam se hi beir kucH janaab ka hai

behtar hotaa kaY aap ye bhee ista'aaroN, ishaaroN, kinaayoN maiN keh daitaY laikin Farhat aur Saad kee shaairi bhee aakhir aap nay paRhi hui hai.. hai kaY naheeN :P?

15

Re: Poetry Forum ya Seyaasi Halqa !!!

I think the name calling is always in bad taste-either done in poetry or prose.The main thing is that this forum should be a meeting place of sensetive and progressive n secular minded people who not merely tolerate but respect from heart all the religions.That they beleive in the sense of fairness.
I hope I am understood in the right spirit.

16

Re: Poetry Forum ya Seyaasi Halqa !!!

Ye post karte huey mujhe bakhoobi andaaza tha k yehi she’r meri post k weak point hai aur is par sawaal kia jaaye ga. Ye she’r likhne ka mera koi iraada tha bhi nahi lekin ye 17 ash’aar main ne direct message window mein likhe they so us waqt aamad ka kya aalam ho sakta hai ye koi shaayar hi samajh sakta hai aur aaise mein is she’r ka pehla misra bana banaaya utar aaya so main ne tabdeel kiye baghair likh dia. Main bilkul qubool karta huN k jab main ne aur kisi ka naam nahi lia to Amal ka naam bhi nahi lena chaahiye tha. Is she’r k liye main maazrat karta huN lekin is se haqeeqat badal nahi jaaye gi. Ghaaliban aap hi ne eik baar kaha tha k “u r an asset to this place”, lekin mujhe pata hai k Zamil ki kya auqaat hai, Zamil agar yahaN se ghaayab ho jaaye to shayad eik aadhe k siva koi yaad bhi na kare k Zamil kahaN gaya<ST1:p</ST1:p. Lekin Amal ki eik haisiyat hai yahaN, Amal k be-shumaar chaahne waale hain, kya main ne itne arse mein observe nahi kia k jab bhi Amal koi thread shuru karta hai, na-jaane kaun kaun se konoN se log nikal kar reply karne lagte hain. So Amal ko chaahiye k apni haisiyat ka istemaal kare, kucH na kucH karta rahe yahaN, raunaq to lage gi, kucH jaan to paRe gi forum mein.<O:p</O:p
<O:p</O:p
Khair ye sab sirf aap ki baat k jawaab mein likh <ST1:pvarna </ST1:pmera main maqsad wohi hai jo main pehle bayaan kar chuka huN.

Pakistan vs Australia, 3rd Test, Hobart Jan 14-18, 2010
17

Re: Poetry Forum ya Seyaasi Halqa !!!

Zamil bhai jaan :)

jub maiN yahaaN post kartaa thaa tub bhee loug konoN khudroN saY nikal kar aa jaataY thaY laikin abb koi poochtaa bhee naheeN hai kaY maiN kiouN naheeN post kartaa..
fact of the matter is that this is how this place is....

As for Amal ko haisiyat istemaal karnaY kaa ta'aluQ hai, tau aap uss waqt naheeN thaY jub Amal mod naheeN thaa aur iss forum maiN woh kuch bhee naheeN hotaa thaa jo abb Amal kaY da'mm saY hai... woh yahaaN kissi majboori kee wajah saY naheeN thaY kuch din saY jiss dauraan maiN woh kuch huaa jiss par aap ko eitraaz hai... agar aap GS kee history dekhaiN tau Amal pehlaa shakhs thaa jo saaL bhar tukk iss jagah ko choRaY phirtaa rahaa ehtejaaj maiN.. aur jub woh loug naa rahai jinn saY ikhtelaaf thaa tau behtri kaY liye aa gayaa....

We should help him than complaining him.... I have seen him working much better than any other mod this forum ever had... agar aap ko koi tajweez yaa shikayat ho tau meraa khayaaL hai, Amal kay inbox kaa darwaazah aap kaY liye har da'mm khulaa hai :)

aik dafaa kuch keh kar tau daikh laiN unn ko 'nasar' maiN :)

18

Re: Poetry Forum ya Seyaasi Halqa !!!

Anwaar bhaii i am here from almost one year ! Jitnay Slow Mod yahan k hain shayad he kisi forum k hoon ! Meri na amal se larai hai na he zamil se hamdardi laikin jo nazar aata hai woh he hota haii ! Mods yahan mahina mahina qadam nahi rakhtay na dekhtay hain k kaun kia post kar raha hai
ab intekhaab agar (aik do sher badal k woh bhi be dhangay ) yahan post kar diye jaayen to kia uski islah zarori nahi kia kisi baray shayar ki iss tarah se be iziitti hotay dekhi jaa sati hai k un k sher mor tor k apnay bana k yahan log post kartray rehein phir yeh sabh jantay huay koi action na lia jaaye to us ko kia kahiye !Aur Khud dekh lijiye jaa kar intekhaab main log aik din mian 2 2 threads shuru kar daitay hain unko ab nahi roka jata ! Policies wala yahan koi thread nahi !Aik baar main ne Amal bhaii ko daad daitay nahi dekha !woh bhi mujhe nahi main to intekhaab he post karta hoon !N jahan sinf e nazuk ya ristay daari ho wahan Amal nazar atay he rehtay hain !n aap kehtay hain k he is the best mod !chalo maan bhi lia in k sath kuch probs chal rahi hain ! to bhai new mod banayen yahan kisi ko !
Aur baat jab had se guzari tab he zamil sahab ne yeh sabh post kia n main dekh raha hon yahan ho kia raha hai but koi reply nahi kia !Dekhiye Jab baat islam pe aaye aur uss pe bhi loog chup baithay rahein to emaan ki kamzori ki inteha ka makaam hai !
Ab in sabh baaton ka jawab Amal bhai sirf ye dein ge (Pehle aap baray ho jaoo )

19

Re: Poetry Forum ya Seyaasi Halqa !!!

buhat khoobb zamil geee

20

Re: Poetry Forum ya Seyaasi Halqa !!!

One needs a big courage to say sorry and it is really good of Zamil to have realised that it was against the basic social ettiquettes to name a person.
Secondely,as far as I understand it is a right of every sesible person,irrespective of religion,to pose questions n debate if important social issues are trumpted under the name of religion.This narroe insistence not to debate just shows the weakness of an argument.This happens with the people of all the religions who have tunnel visions and mistakenly think that their religion is the greatest.That includes the people of the religion of my birth as well.If society has to grow,it will not grow by putting our minds in the hands of few with an intolerant world view but by coming together and trying to understand the real problems.
But if the readers here still feel that what i say is wrong,I can stop coming here altogether.
Regards
brijinder"Sagar"