He is on scene for quite a long time.. sureela likhte hain aur sureela paRhte hain :k:
Lets share some of his beautiful poetry in this thread.
unchay unchay namon ki takhtian jala dena
Zulm karne walon ki wardian jala dena
Dar badar kia bhatakna daftaron kay jungle mein
Bailchay utha lena Degrian jala dena
Maut se jo dar jao to Zindgi nahi milti
Jung jeetna Chaho kashtian jala dena
Phir baho jalane ka haq puhanchta hay tumhen
Pehle apne aangan main betian jala dena
Re: Poet of the week - Manzar Bhopali
badalatay waqt kaa ik sil_silaa sa lagata hai
ke jab bhi dekho use doosara-sa lagata hai
tumhaara husn kisi aadami ka husn nahin
kisi buzurg ki sachchi dua sa lagata hai
teri nigaah ko tameez rang-o-noor kahaan
mujhe to Khoon bhi rang-e-hina sa lagata hai
damagh-o-dil hon agar mutma_een to chhaon hai dhoop
thapera loo ka bhi thandi hawa sa lagata hai
wo chhatt pe aa gaya betaab ho ke aakhir
Khudaa bhi aaj shariik-e-dua sa lagataa hai
tumhara haath jo aaya hai haath men meray
ab aitabar ka mausam hara-sa lagata hai
nikal ke dekho kabhi nafaraton ke pinjare se
tamam shahar ka “Manzar” khula sa lagata hai
Re: Poet of the week - Manzar Bhopali
Zulf o rukh ke saye me, zindagi guzaari hai
Dhoop bhi hamari hai, chhaoN bhi hamari haiGham-ghusar chehroN par, aitebar mat karna
Shehr me siyasat ke, dost bhi shikaari haiModh lene wali hai, zindagi koi shayad
Ab ke phir hawaoN me, aek be-qaraari haiEk ajeeb thandak hai, us ke narm lehjey me
Lafz lafz shabnam hai, baat baat pyaari haiKutch to payenge uski, qurbatoN ka khamyaza
Dil to ho chuke tukde, ab saroN ki baari haiBaap bojh dhota tha, kya jahez de pataa
Is liye wo shehzaadi aaj tak kunwaari haiKeh do meer-o-ghalib se, ham-bhi shear kehte hain
Wo sadi tumhari thi, ye sadi hamaari hai
Re: Poet of the week - Manzar Bhopali
****Keh do meer-o-ghalib se, ham-bhi shear kehte hain
Wo sadi tumhari thi, ye sadi hamaari hai
Wah kiya bat hy waisy nam pehli dafa suna hy in hazrat ka
Re: Poet of the week - Manzar Bhopali
Wah kiya bat hy waisy nam pehli dafa suna hy in hazrat ka
Pakistan main kafi mashoor hai ye. MQM ne jo musha're karwae the, uss main bhi tashreef lae the ye
Re: Poet of the week - Manzar Bhopali
Baaton baton mein bicharnay ka ishara ker k
Khud bhi roya woh bohut hum say kinara ker k
Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k
Jagmaga di hain teray shehar ki galiyan mein nay
Apnay her ashk ko palkon pay sitara ker kay
Daikh laitay hain chalo hosla apnay dil ka
Aur kuch rooz teray sath guzara ker k
Aik hi shehar mein rehna magar milna nahin
Daikhtay hain yeh aziat gawara ker
Re: Poet of the week - Manzar Bhopali
Inko aansoo bhi jo mil jae to muskrati hain
Betiyan to badi maasoom hain jazbati hain
In-se qaayam hai taqaddus bhi hamare ghar ka
Subah ko apni namazon se ye mehkati hain
Log beton se hi rakte hain tawaqau lekin
Betiyan apni bure waqt me kaam aati hain
Betiyan hoti hain pur noor charagon ki tarah
Roshni karti hain jis ghar me chali jaati hain
Ek beti ho to khil uthta hai ghar ka aangan
Ghar wahi rehta hai par raunq-en badh jati hain
Fatima zehra ki taazeem ko uthte the Rasool(SAW)
Mohtaram betiyan isi waste kehlati hain
Apni sasural ka har zakhm chupa leti hain
Samne maa ke jab aati hain to muskati hain
Apne baba ke kaleje se lipat kar Manzar
Zindagi jeene ka ehsaas dila jati hain
Re: Poet of the week - Manzar Bhopali
Re: Poet of the week - Manzar Bhopali
thnx
Re: Poet of the week - Manzar Bhopali
**judaa_ii ho ke milan har adaa hamaarii hai
tumhaaraa shahar hai lekin fizaa hamaarii hai
shikaayateN bhii kareN ham to kis zabaan se kareN
Khudaa banaayaa ham ne ye Khataa hamaarii hai
hamaare jism kii uriyaanat pe mat haNsanaa
ke tum jo oRhe huye ho wo ridaa hamaarii hai
hamaare saamane zebaa nahiiN Guroor tumheN
jahaaN pe baiThe ho tum wo jagaa hamaarii hai**
Re: Poet of the week - Manzar Bhopali
taaqateiN tumhaari haiN, par Khuda hamaara hai
aks par na itraao, aaina hamaara hai
aap ki ghulami ka bojh humm na dhoeiNge
aabroo se marn'e ka, faisla hamaara hai
koi bhi hameisha to, jung laRh nahiN sakta
tum bhi toot jaaog'e, tajruba hamaara hai
doobney lagey jab humm, tab khula fareib uska
hum tO yeh samajht'e thEy, naakhuda hamaara hai
dosti se rahn'e meiN aafiyat hai donoN ki
kuch bhala tumhaara hai, kuch bhala hamaara hai
ghairat e jihad apni, zakhm kha ke jaageigi
pahla waar tum kar lo, doosra hamaara hai
Re: Poet of the week - Manzar Bhopali
Sab hi Umdah hyn............thanx 4 sharing
