meri ghazlain teri ra’naae ka parto hain.
mera fun hai tera husan magr tash-heer meri hai.
re: Poet of the Week - Ahmad Nadeem Qasmi
Ye Kia Ke Ishq Karoon Paas-e-Aabroo Na Karoon
Mein Tujh Ko Kho Ke, Khuda Ki Bhi Justuju Na Karoon
**
**Mein Intezaar-e-Tuluu-e-Seher Mein Jeeta Hun
Mein Apna Chaak-e-Girebaan Kubhi Raffu Na Karoon
TU Sirf Jism Nahi Hai, Waraa-e-Jism Bhi Hai
Mein Tujh Ko Paa Ke Bhi Kiun Teri Aarzoo Na Karoon ?
Gayuur Hun Ke Ijaara Pasand Hun, Kia Hun ?
Mein Tujhe Apnay Khuda Ke Bhi Ruu-Baruu Na Karoon
Ye Mashwaray Tou Mere Tark-e-Shair Ke Hain Nadeem
Ke Jab Bhi Shair Kahoon, Dil Lahoo Lahoo Na Karoon………!
re: Poet of the Week - Ahmad Nadeem Qasmi
Lets make him poet of the week.
Re: Poet of the Week - Ahmad Nadeem Qasmi
Dil mein hum aik hi jazbe ko samoyen kese,
Ab tujhe paa ke yeh uljhan hai ke khoyen kese,
**
**Zehen chalni jo kiya hai, To yeh majboori hai,
Jitne kaante hain, woh talwon mein piroyen kese,
Hum ne maana ke bohat der hai hashar aney tak,
Chaar janib teri aahat ho to soyen kese,
Kitni hasrat thi, Tujhe pass bitha ker rote,
Ab yeh yeh mushkil hai, Tere samne royen kese…
Re: Poet of the Week - Ahmad Nadeem Qasmi
Tujhe Khokar Bhi Tujhe Paaun Jahaan Tak Dekhun
Husn-E-Yazdaan Se Tujhe Husn-E-Butaan Tak Dekhun
Tune Yun Dekha Hai Jaise Kabhi Dekhi Hi Na Tha
Main To Dil Mein Tere Qadmon Ke Nishaan Tak Dekhun
Sirf Is Shauq Se Poochi Hain Hazaaron Baatein
Main Tera Husn, Tere Husn-E-Bayaan Tak Dekhun
Mere Veeraana-E-Jaan mein Teri Yaadon Ke Tufail
Phool Khilte Nazar Aate Hain Jahaan Tak Dekhun
Waqt Ne Zehen Mein Dhundhla Diye Tere Khad-O-Khaal
Yun To Main Toot’te Taaron Ka Dhuan Tak Dekhun
Dil Gaya Tha To Yeh Aankhein Bhi Koi Le Jaata
Main Faqat Ek Hi Tasveer Kahaan Tak Dekhun
Ik Haqeeqat Sahi, Firdaus Mein Hooron Ka Wajood
Husn-E-Insaan Se Nibat Lun To Wahaan Tak Dekhun
Re: Poet of the Week - Ahmad Nadeem Qasmi
MUQA:smash: aik daf unka aik shair perha
dusra misra bhul gaya ,kahen net per nahi milta 
ho sakè to dhunden…
MASJUD-EY MALAEK HUN TO KION KHAK BASAR HUN
Re: Poet of the Week - Ahmad Nadeem Qasmi
dhoondta hoon. pehle aap Kishwer Naheed ki koi aisi Nazm post karen.. jiske baad kalma paRhna paRe
Re: Poet of the Week - Ahmad Nadeem Qasmi
acha pakka promise kal karongi 
Re: Poet of the Week - Ahmad Nadeem Qasmi
arsh se sach ki hidayat ba raha milti rahi ,,
ham jo sach bole to q us ki saza milti rahi ,,
rizq ki khatir zameen khodi magar pathar mile ,,
aur udhar keerhe ko pathar men ghiza milti rahi ,,
ham to is ko b mashiyat ki sakhawat hi kahen ,,
zindagi bhar saans lene ko hawa milti rahi ,,
aik pal b zinda rehna ek qeyamat tha nadeem ,,
aur tool e umar ki ham ko duaa milti rahi .........
Re: Poet of the Week - Ahmad Nadeem Qasmi
kia baat hy kiyaaaa baat hy
Re: Poet of the Week - Ahmad Nadeem Qasmi
Itna dushwar nahi maut ko taalay rakhna
sar jo kat jaye to dastaar sambhaly rakhna,
apne ahbaab ko seenay se lagaye phirna
aik khanjar bhi jaib mein dalay rakhna,
dasht ehsaas ki hiddat bhi kayamat hai "nadeem"
kuch zaroori to nahi paaon mein chalay rakhna
Re: Poet of the Week - Ahmad Nadeem Qasmi
kaun kehta hay k maut aayi tu mar jaonga
main tu dariya hoon samandar mein utar jaonga
tere pehlo se jo uthoonga tu mushkil yeh hay
sirf ek shakhs ko paonga jidhar jaaonga
ab tere shehar mein aaonga musaafir ki tarah
saaya e abr ki maanind guzar jaonga
tera paimaan e wafa rah ki deewar bana
warna soocha tha jab chahonga mar jaonga
chaara saazooN se alag hay mera miyaar k main
zakham khaonga tu kuch aur sanwar jaonga
ab tu khursheed ko doobay hoye sadiyaaN guzri
ab usay dhoondhnay mein taa baa sehar jaonga
zindagi shamma ki maanind jalaata hoon Nadeem
bujh tu jaonga magar subha tu kar jaonga
Re: Poet of the Week - Ahmad Nadeem Qasmi
**wo koi aur na they chand Khushk patte they
shajar se toot ke jo fasl-e-gul per roye they
abhi abhi tumhein socha to kuch na yaad ayaa
abhi abhi to ham aik-doosrey sey bicharey they
tumhary baad chaman par jab aik nazar Dali
kali kali main Khizaan ke chiraagh jalate they
tamaam umer wafaa key gunaahgar rahey
ye aur baat key ham aadami to achchey they
shab-e-Khamosh ko tanhai ney zaban dey di
pahar gunjtey they dasht san sanatey they
wo aik baar marey jin ko thaa hayaat sey piyaar
jo zindagi sey guraizaan they roz maratey they
naye Khayaal ab aatey hain dhal ke zahan main
hamarey dil main kabhi khait lah_lahate they
ye iratiqa kaa chalan hai ki har zamane main
puraaney log naye aadami sey daratey they
'Nadeem' jo bhii mulaqat thi adhoori thi
kai aik cheharey key peecheye hazaar cheharey they **
Re: Poet of the Week - Ahmad Nadeem Qasmi
Andaz hu bahu teri awaz e paa ka tha
Dekha nikal k ghar say tu jhunka hawa ka tha
Utha ajab tazad say insaan ka hameer
Adi fana ka tha tu pujari baqa ka tha
Iss rishta e lateef k israr kia khulain
Tu samnay tha aur tasavur Khuda ka tha
Toota tu kitnay aina khanoo pey zad pari
Atka howa galay mein ju pather sada ka tha
Chup chup kr roo"own aur sar e anjuman hansoon
Mujh ko yah mashwara merey dard e ashna ka tha
Dil rakh ho chuka tu chamak aur bhar gaye
Yah teri yaad thi k amal keemiya ka tha
Iss husan e itfaq pey lut kar b shaad hon
Teri raza ju thi woo taqaza wafa ka tha
Hiran hon k daar say kaisay bacha Nadeem
Woo shakas tu ghareeb o ghayur intha ka tha
Re: Poet of the Week - Ahmad Nadeem Qasmi
nice sharings fari :k:
Re: Poet of the Week - Ahmad Nadeem Qasmi
Tujhe izhar-e-Mohabbat Say Agar Nafrat Thee,
Tu Nay HonTon Ko Laraznay Say To Roka Hota
**
**Bay Niazi Say Magar Kaanpti Aawaz K Saath
Tu Nay Ghabra K Mera Naam Nah Poocha Hota
Terey Buss Main Thee Agar Mashal-e-jazbaat Ki Lau
Terey Rukhsaar Main Gulzaar Nah BhaRka Hota
Youn To Hwin Mujh Say Buss Aa-o-Hawa Ki Batein
Apnay tootey Huey Fiqron Ko To Parkha Hota
Youn He Bay Wajah He Thaknay Ki Zarurat Kiya Thee
Dam-e-Rukhsat Agar Kuch Yaad Nah Aaya Hota
Tera Ghammaz Bana jo tera Andaz-e-jurm
DiL Nah Sumbhla Tha To Qadmon Ko Sumbhala Hota
Apnay badley Meri Tasveer Nazar aa jati
Tu Nay Us Waqt Agar Ayena Dekha Hota
Hosla Tujh Main Nah Tha Mujh Say juda Honay Ka
Warna[black] Kaajal Teri Aankhon Main Nah Phela Hota
Re: Poet of the Week - Ahmad Nadeem Qasmi
Re: Poet of the Week - Ahmad Nadeem Qasmi
Mein tujhe ko bhool chuka, Lekin aik umar ke baad
Tera kheyal kya tha ke chott ubhar aayi…
Re: Poet of the Week - Ahmad Nadeem Qasmi
[TABLE=“class: infobox vcard”]
[TH="class: fn, colspan: 2, align: center"]**Ahmad Nadeem Qasmi** **احمد ندیم قاسمی**[/TH][TH=“align: left”]Born[/TH]
Ahmad Shah Awan
November 20, 1916
Anga, Khushab District, British India
[TH=“align: left”]Died[/TH]
July 10, 2006 (aged 89)
Lahore, Pakistan
[TH=“align: left”]Occupation[/TH]
Urdu poet, journalist, Writer
[TH=“align: left”]Nationality[/TH]
Pakistani
[TH=“align: left”]Ethnicity[/TH]
Punjabi
[TH=“align: left”]Genres[/TH]
Afsana
[TH=“align: left”]Literary movement[/TH]
Progressive Writers Movement
[TH=“align: left”]Notable award(s)[/TH]
Pride of Performance (1968)
Sitara-i-Imtiaz (1980)
[TH=“align: left”]Children[/TH]
Naheed Qasmi
Nauman Qasmi