Poet of the month - Parveen Shakir

[ehsan]

Each month lets choose one poet and post his/her poetry in that thread.

Lets start with Parveen Shakir:

Apani ruswaai tere naam ka charcha dekhun
ek zaraa sher kahun aur mein kyaa kya dekhun

neend aa jaaye to kyaa mehfilein barpaa dekhun
aankh khul jaaye to tanhaai kaa sahara dekhun

** shaam bhi ho gaee dhundhalaa gaee aankhein bhee meri
bhuulane waale mein kab tak teraa rastaa dekhun **

sub zidein us kee mein poori karun har baat sunun
ek bachche kee tarah se use hanstaa dekhun

mujh pe chaa jaaye woh barasat kee Khushbu kee tarah
ang ang apanaa usee rut mein mahaktaa dekhun

tu meri tarah se yaktaa hai magar mere habib
jee mein aataa hai koee aur bhii tujh saa dekhun

**mein ne jis lamhe ko pujaa hai use bas ek baar
Khwaab ban kar teri aankhon mein utarataa dekhun

tu meraa kuch nahin lagata hai magar jaan-e-hayaat
jaane kyon tere liye dil ko dharakataa dekhun **

[NikamiJano]

Re: Poet of the month

isi meiN khush huuN meRaa dukh koi to sahtaa hai
chalii chaluuN k jahaaN tak ye saath rahataa hai

zamiin-e-dil yuuN hi shaadaab to nahiN ai dost
qariib meiN koi dari'yaa zaruur bahataa hai

na jaane kaun saa fiqraa kahaaN raqm ho jaaye
diloN kaa haal bhii ab kauN kis se kahtaa hai

mere badaN ko namii khaa ga'ee ashkoN ki
bhari bahaaR meiN jaise makaan Dah'taa hai

[NikamiJano]

Re: Poet of the month

justajuu khoye huoN ki umr bhaR kaRteY rahe
chaaNd ke ham'raah ham haR shab safaR karteY rahe

raastoN ka ilm thaa ham ko na simtooN ki KhabaR
shahar-e-naamaluum ki chaahat magaR karteY rahe

ham ne Khud se bhi chupaa'yaa auR saareY shahar se
tere jaane kii Khabar daR-o-divaaR karteY rahe

vo na aayegaa hameiN maaluum thaa us shaam bhi
intazaaR us ka magaR kuchh soch kaR kaRtey rahe

aaj aayaa hai hameiN bhi un uU'RaanoN kaa Khayaal
jin ko tere zaum meiN be-baal-o-paR kaRtey rahe

[NikamiJano]

Re: Poet of the month

baarish huii to phuulooN ke tan chaak ho gaye
mausam ke haath bheeg ke saffaak ho gaye

baadal ko kyaa Khabar ki baarish kii chaah meiN
kitane buland-o-baalaa shajar Khaak ho gaye

juganuu ko din ke vaqt pakaRney kii zid kareN
bachche hamaare ahad ke chaalaak ho gaye

laharaa rahi hai baRf ki chaadaR haTaa ke ghaas
suuRaj kii shah pe tinake bhii bebaak ho gaye

suuraj dimaaG log bhii iblaaG-e-fikr meiN
zulf-e-shab-e-firaaq ke pechaak ho gaye

jab bh Gariib-e-shahar se kuchh guftaguu hu'ei
lahaje havaa-e-shaam ke nam'naak ho gaye

saahil pe jitane aab-guziidaa they sab ke sab
dariyaa ke ruKh badalate hii tairaak ho gaye

[NikamiJano]

Re: Poet of the month

vo to Khushbuu hai havaaoN meiN bikhaR jaayegaa
masalaa phuul ka hai phuul kidhaR jaayegaa

ham to samajhe they ke ek zaKhm hai bhar jaayegaa
kyaa KhabaR thi ke rag-e-jaaN meiN utaR jaayegaa

vo havaaoN ki tarah Khanaa'bajaaN phirtaa hai
ek jhonkaa hai jo aayegaa guzaR jaayegaa

vo jab aayegaa to phir us kii rafaaqat ke liye
mausam-e-gul mere aaNgan meiN Thahar jaayegaa

aaKhirash vo bhi kahiN ret pe baiThii hogii
teraa ye pyaar bhii dariyaa hai utar jaayegaa

[NikamiJano]

Re: Poet of the month

terii Khushbuu kaa pataa karatii hai
mujh pe ehsan havaa karatii hai

shab kii tanha'eei meiN ab to aksaR
guftaguu tujh se rahaa karatii hai

dil ko us raah pe chalnaa hi nahiN
jo mujhe tujh se judaa kaRti hai

zindagi merii thi lekiN ab to
tere kahne meiN rahaa karti hai

us ne dekha hi nahiN varnaa ye aaNkh
dil kaa ehavaal kahaa karatii hai

beniyaaz-e-kaaf-e-dariyaa angusht
reit paR naam likhaa karatii hai

shaam paRte hi kisi shaKhs ki yaad
kuuchaa-e-jaa'N meiN sada karti hai

mujh se bhi us ka hai vaisaa hi suluuk
haal jo teraa ana??? karatii hai

dukh huaa kartaa hai kuchh auR bayaa'N
baat kuchh auR huaa kaRtii hai

abr -barsey to inaayat us kii
shaaKh to siRf duaa kartii hai

maslaa jab bhi uThaa chiraGoN kaa
faisalaa siRf havaa kartii hai

[Shab-e-Hijar]

Re: Poet of the month

[quote=“NikamiJano”]

terii Khushbuu kaa pataa karatii hai mujh pe ehsan havaa karatii hai

:halo:

[NikamiJano]

Re: Poet of the month

kamaal-e-zabt ko Khud bhi to aazamaa_uu'Ngi
maiN apane haath se us kii dulhan sajaauu'Ngi

supurd kar ke use chaa.Ndanii ke haatho.n
maiN apane ghaR ke aNdherooN ko lauT'aa'uNgi

badaN ke karb ko vo bhi samajh na paayegaa
maiN dil meiN rouu'Ngi aaNkhoN meiN muskura'uuNgi

vo kyaa gayaa ke rafaaqat ke saaRe lutf gaye
maiN kis se ruuTh sakuuNgii kise manaa'uNgii

vo ik rishtaa-e-benaam bhi nahiN lekiN
maiN ab bhi us ke ishaaroN pe saR jhukaa'uNgi

bichhaa diya thaa gulaaboN ke saath apnaa vajuud
vo so ke uThe to KhvaaboN ki raakh uThaa'uNgii

ab us kaa fan to kisii aur se manasuub huaa
maiN kis kii nazm akele meiN gun'unaauNgii

javaz DhuuNDh rahaa thaa naii muhabbat kaa
vo kah rahaa thaa ke maiN us ko bhuul jaa'uuNgii

***sama'atoN meiN ghane jangaloN kii saaNseiN haiN
maiN ab kabhi terii aavaaz sun na paa'uuNgii:(

---

[NikamiJano]

Re: Poet of the month

[quote=“Shab-e-Hijar”]

@NikamiJano

terii Khushbuu kaa pataa karatii hai mujh pe ehsan havaa karatii hai

:halo:

:love:

[Shab-e-Hijar]

Re: Poet of the month

[quote=“NikamiJano”]

@Shab-e-Hijar

:love:

buri baat :nono:

[ehsan]

Re: Poet of the month - Parveen Shakir

Nikami jee kya Shakir kee koi aur nazam reh gayee hai?

[NikamiJano]

Re: Poet of the month

[quote=“Shab-e-Hijar”]

@NikamiJano

buri baat :nono:

:jano:

[NikamiJano]

Re: Poet of the month - Parveen Shakir

@ehsan

Nikami jee kya Shakir kee koi aur nazam reh gayee hai?

ehsan g abhi tu shoro huwei haiN :D

[NikamiJano]

Re: Poet of the month - Parveen Shakir

@ehsan

**tu meraa kuch nahin lagata hai magar jaan-e-hayaat **
**jaane kyon tere liye dil ko dharakataa dekhun **

hey Ruba:)

[NikamiJano]

Re: Poet of the month - Parveen Shakir

dasht-e-shab par dikhaa'ee kyaa dengi
silavaTeiN roshani meiN ubhareiN'gi

ghar ki diivaaReiN mere jaane paR
apani tanhaa'yooN ko socheiN gi

uNgaliyooN ko taraash duuN phiR bhi
aadatan us kaa naam likkheiN gi

rang-o-buu se kahiN panaah nahiN
KhvahisheiN bhi kahaN amaa'N deiN gi

ek Khushbuu se bach bhi jaauuN agaR
duusari nikahateiN jakaR leiN gi

khiRkiyooN paR dabeyeiz pardey hooN
baarisheiN phiR bhi dastakeiN deiN gi

[NikamiJano]

Re: Poet of the month - Parveen Shakir

baad'baa.N khulane se pahley kaa ishaaraa dekhnaa
maiN samandaR dekhti huuN tum kinaRaa dekhnaa

yuuN bichaRnaa bhi bahut aasaaN na thaa us se magaR
jaate jaate us kaa vo muuR ke dubaaraa dekhnaa

kis shabaahat ko liye aayaa hai daravaze pe chaaNd
ai shab-e-hijraa'N zaraa apanaa sitaaraa dekhnaa

aai'ne ki aaNkh hi kuchh kam na thi mere liye
jaane ab kya kya dikhayegaa tumhaaraa dekhnaa

[Poora_Mohalla]

Re: Poet of the month - Parveen Shakir

nice one :)

[_Masoom_Muskaan]

Re: Poet of the month - Parveen Shakir

:k:

[ehsan]

Re: Poet of the month - Parveen Shakir

rukney kaa samay guzar gayaa hai
janaa tera ab Thahar gayaa hai

rukhsat kee gharee kharee hai sar par
dil koi do-neem kar gayaa hai

**maatam kee fazaa hai shahar-e-dil mein
mujh mein koi shakhs mar gayaa hai

bujhane ko hai phir se chashm-e-nargis
phir Khwaab-e-sabaa bikhar gayaa hai**

bas ik nigaah kee thee us ne
saara chehra nikhar gayaa hai

[ehsan]

Re: Poet of the month - Parveen Shakir

kuchh to hawaa bhee sard thee kuchh thaa teraa Khayaal bhee
dil ko Khushi ke saath saath hotaa rahaa malaal bhee

** baat woh aadhi raat kee raat woh puure chaand kee
chaand bhee ain chet kaa us pe teraa jamaal bhee **

** sab se nazar bachaa ke woh mujh ko aise dekhate
ek dafaa to ruk gai gardish-e-maah-o-saal bhi **

dil to chamak sakegaa kyaa phir bhi taraash ke dekh lo
shiishaagaraan-e-shahar ke haath kaa ye kamaal bhi

*us ko na paa sakey they jab dil kaa ajeeb haal tha
ab jo palat ke dekhiye baat thi kuchh muhaal bhi *

meri talab thee ek shakhs woh jo nahin milaa to phir
haath dua se yuun giraa bhuul gayaa savaal bhi

shaam kee naasamajh hawaa puuchh rahi hai ik pataa
mauj-e-havaa-e-kuu-e-yaar kuchh to meraa Khayaal bhi

us ke hee baazuuon mein aur us ko hee sochate rahe
jism kee Khvaahishon pey they ruuh ke aur jaal bhii