Poet Of The Month -July 07- Abdul Hameed Adam

Arts & Culture Poetry ( Intikhaab & Sho'ra-e-Gupshup)
41

Re: Poet Of The Month -July 07- Abdul Hameed Adam

***pahle pahle un ko yooNhi dekhta rahta tha maiN
baat to koi nahiN thi dekhta rahta tha main
dekhte rahne se mere woh buhat masroor the
apne husn-e-dilbari se aap hi mas-hoor the

unko khush karne ki khaatir aah bhar leta tha maiN
gaahe gaahe apne dil par haath dhar leta tha main

baagh meN har roz taqreebann khainch aate the woh
ban sanwar kar mujh se daad-e-husn le jaate the woh

woh samajhte the ke unke roop par marta hooN maiN!
laalchi hoon iktisaab-e-roshni karta hooN maiN

mudda iss khail ka kya tha faqat ik dil lagi
un ko khush karne meN pinhaaN thi meri apni khushi

kar ke khush fahmi meN un ko mubtla hansta tha maiN
saadgi par un ki dil meN bar mala hansta tha maiN

ab magar tafreeh-o-khush waqti ki soorat aur hai
dil ki haalat aur hai rang-e-tabiyat aur hai

jab nazar aati nahiN gulzaar meN unki jhhalak
thokreN khaati hain sodaayi nigaaheN door tak

un ko diwaana bana kar mujh ko wahshat ho gayi
dil lagi ki thi magar sach much mohabbat ho gayi

Say Congrats 2 Aleesha Chaudhary
42

Re: Poet Of The Month -July 07- Abdul Hameed Adam

wow

nice shairng :)

43

Re: Poet Of The Month -July 07- Abdul Hameed Adam

***jo log jaan buujh ke naadaan ban gaye
meraa Khayaal hai ki vo insaan ban gaye

ham hashr me.n gaye magar kuchh na puuchhiye
vo jaan buujh kar vahaa.N anjaan ban gaye

ha.Nsate hai.n ham ko dekh ke arbaab-e-aagahii
ham aap kii mizaaj kii pahachaan ban gaye

[arbaab-e-aagahii = intellectuals]

majh_dhaar tak pahu.Nchanaa to himmat kii baat thii
saahil ke aas paas hii tuufaan ban gaye

insaaniyat kii baat to itanii hai shaiKh jii
bad_qismatii se aap bhii insaan ban gaye

kaa.NTe bahut the daaman-e-fitarat me.n ai "Adam"
kuchh phuul aur kuchh mere armaan ban gaye

44

Re: Poet Of The Month -July 07- Abdul Hameed Adam

Achi Baat Hai :)

Nice Sharings !

Nadaan ban Gaye Already sHare Ho Chuki hai but again bhi chalay gi :)

45

Re: Poet Of The Month -July 07- Abdul Hameed Adam

oopsi lolz
thx for telling

46

Re: Poet Of The Month -July 07- Abdul Hameed Adam

Maikadaa thaa chaandanii thii main na thaa
Ik mujassam beKhudii thii main na thaa

Ishq jab dam torataa thaa tum na the
Maut jab sar dhun rahii thii main na thaa

Tuur par chheraa thaa jis ne aap ko
Vo merii diivaangii thii main na thaa

Maikade ke mor par rukatii huii
Muddaton kii tashnagii thii main na thaa

Main aur us Gunchaadahan kii aarazuu
Aarazuu kii sadagii thii main na thaa

Gesuuon ke saaye mein aaraam-kash
Sar-burahanaa zindagii thii main na thaa

Dair-o-Kaabaa mein "Adam" hairat-farosh
do jahaan kii badzanii thii main na thaa

47

Re: Poet Of The Month -July 07- Abdul Hameed Adam

Where are you ppl :naraz: had hai waisay kaam choori ki bhi :naraz:

48

Re: Poet Of The Month -July 07- Abdul Hameed Adam

hum yahan hein :D
nice sharing

49

Re: Poet Of The Month -July 07- Abdul Hameed Adam

Asalam u Alaikum !

Ay Maigusaaro Saweray Saweray
Kharaabaat Ke Gird Phere Pe Phere

Bari Roshni Bakhshtay Hain Nazar Ko
Tere Gesuuon Ke Muqaddas Andhere

Kisi Din Idhar Se Guzar Kar To Dekho
Bari Ronaqein Hain Faqiiro'n Ke Dere

Gham-e-Zindagi Ko "Adam" Saath Lekar
Kahan Jaa Rahe Ho Saweray Saweray

BeINg lOnely !!! sID !!!

50

Re: Poet Of The Month -July 07- Abdul Hameed Adam

Kabhi Itni Zehmat To Farma-eay Ga
Ufaq Tak Siaah Zulf Lehra-eay Ga

Mera Haal Abb Kuch Tawajja Talab Hai
Meray Haal Per Ghor Farma-eay Ga

Bara Sakht Hai Rasta Zindagi Ka
Zara Aap Bhi Do Qadam Aa-eay Ga

Hawadis Ke Raw Khud Bhi Ek Hadsa Hai
Hawadis Ki Raw Se Na Ghabra-eay Ga

Bus Abb Anay Wali Hai Rut Zindagi Ki
Kisi Din Achanak Chalay Aa-eay Ga

Zara Main Bhi Taazeem-E-Mausam Karonga
Zara Aap Bhi Shoq Farma-eay Ga

Meri Rooh Main Ghol Ker Apni Rooh
Meray Jaam Se Jaam Takra-eay Ga

Yehi Aana Jana To Hai Zindagi Main
Kabhi Aa-Eay Ga Kabhi Jaa-eay Ga

Baharon Ka Mausam Bara Qeemti Hai
Isay Chand Lamhay To Thehra-eay Ga

Magar Baada-Khori Se Inkaar Ker Ke
Baharon Ko Naadim Na Farma-eay Ga

Naseehat Ki Waadi Bari Pur-Fiza Hai
Magar Iss Qadar Duur Mutt Jaa-eay Ga

Main Itna Bhi Aari Nahi Hoon
Mujhe Iss Qadar Bhi Na Samjha-eay Ga

Ager May Na Tajweez Ki Meri Khatir
To Kia Zehr Tajweez Farma-eay Ga

Ager Pyar Hai Zindagi Se Zara Sa
To May Nosh Kejeay Ga Gham Kha-eay Ga

Nigah-E-Khirad Aur Za-Am-E-Basarat
Janaab** ‘Adam’ **Hosh Main Aa-eay Ga

51

Re: Poet Of The Month -July 07- Abdul Hameed Adam

Lovely :k: Kya baat hey :slight_smile:

52

Re: Poet Of The Month -July 07- Abdul Hameed Adam

Thanks Amal Bhai :) Baaki Bohat Kam Log Particiapate kartay hain !

The Random Thread
53

Re: Poet Of The Month -July 07- Abdul Hameed Adam

Galay miltay hain jab do bichray huay saathi
Adam hum besaharoon ko bari takleef hoti hai

bEing loNEly !!! SId !!!

54

Re: Poet Of The Month -July 07- Abdul Hameed Adam

Thahar Thahar ke na baraso uma.D paro yak dam
Sitam garii se ghaTaao bahaar ke din hain....

bEing loNEly !!! SId !!!

55

Re: Poet Of The Month -July 07- Abdul Hameed Adam

nakhuda aqal ka dushman hai to fir kyaa khadshaa
kashtiyaaN vaise bhii khuraak haiN toofaanoN kii

bEing loNEly !!! SId !!!

56

Re: Poet Of The Month -July 07- Abdul Hameed Adam

i LoB3 this shair :)

Do He Baa'zauq Aadmi Hain Adam
Main Hua Ya Mera Raqeeb Hua

bEing loNEly !!! SId !!!

57

Re: Poet Of The Month -July 07- Abdul Hameed Adam

Will You All Please Share Something I Am Waiting :naraz: