Adam’s poetry is conventional in following the traditional rules of meter and rhyme, yet evertything else is unconventional about it. His thoughts are provocative and progressive, his words are unmistakably bold. A beloved of the ageing generation of today, Adam had several collections of poetry to his credit.
BeInG lOn3ly !!! sId
Re: Poet Of The Month -July 07- Abdul Hameed Adam
Asalam U Alaikum !
Ab Do Aalam Se Sadaa-e-Saaz Aati Hai Mujhe
Dil Kii Aahat Se Terii Aawaaz Aatii Hai Mujhe
Yaa Samaat Ka Bharam Hai Yaa Kisi Naghmay Ki Guunj
Ek Pehchaanii Huii Aawaaz Aatii Hai Mujhe
Kis Ne Khola Hai Hawa Mein Gaisuuo'n Ko Naaz Se
Narm Ru Barsaat Ki Aawaaz Aatii Hai Mujhe
Us Ki Naazuk Ungliyo'n Ko Dekh Kar Aksar "Adam"
Ek Halki Sii Sadaa-e-Saaz Aatii Hai Mujhe
BeInG lOn3lY !!! sID
Re: Poet Of The Month -July 07- Abdul Hameed Adam
ap agar hum ko mil gaya hotay
baagh me phool khil gayay hotay
app nay yonhi ghoor kar dekha
hont to yonhi bhi sil gayay hotay
kaash hum ap iss tarah miltay
jaisay do waqt mil gayay hotay
un ki ankh he kaj nazar thi adam
dil kay parday to hil gayay hotay
Re: Poet Of The Month -July 07- Abdul Hameed Adam
Kabhi Itni Zehmat To Farmaaiyegaa
Ufaq Tak Siyaah Zulf Lehraaiyegaa
Mera Haal Ab Kuch Tawajoh Talab Hai
Mere Haal Par Ghaur Farmaaiyegaa
Baraa Sakht Hai Raasta Zindagi Ka
Zaraa Aap Bhi Do Qadam Aaiyegaa
Bas Ab Aane Waali Hai Rut Zindagii Kii
Kisii Din Achaanak Chalay Aaiyegaa
Zaraa Main Bhi Taaziim-e-Mausam Karongaa
Zaraa Aap Bhii Shauq Farmaaiyegaa
Meri Ruuh Mein Ghol Kar Ruuh Apnii
Mere Jaam Se Jaam Takraaiyegaa
Nigaah Khirad Aur Zoam Basaarat
Janaab “Adam” Hosh Mein Aaiyegaa
LoNer !!!
Bohat taveel ghazal hai kuch shair gul kar diye hain mein ne sorry for that :)
Re: Poet Of The Month -July 07- Abdul Hameed Adam
Saagar se lab lagaa ke bahut Khush hai zindagii
Sahan-e-chaman mein aake bahut Khush hai zindagii
Aa jaao aur bhii zaraa nazadiik jaan-e-man
Tum ko qariib paake bahut Khush hai zindagii
Hota koii mahal bhii to kyaa puuchhate ho phir
Be-vajah muskuraa ke bahut Khush hai zindagii
Saahil pe bhii to itanii shagufataa ravish na thii
Tuufaan ke biich aake bahut Khush hai zindagii
Viiraan dil hai aur "Adam" zindagii kaa raqs
Jangal mein ghar bana ke bohat Khush hai zindagii
Re: Poet Of The Month -July 07- Abdul Hameed Adam
Aik Ghazal,
Ley Bujhi Meri Kaainat Mujhe
Kha Gayee Tohmat-E-Hayat Mujhe
Maslahat Ne Zubaan Ko Rok Liya
Yaad Aayee Thi Koyi Baat Mujhe
Subh-E-Mahshar Ko Multavi Kar Do
Ho Gayee Maiqade Mein Raat Mujhe
Dastan Ban Sakun To Ley Lijey
Yaad Hain Chund Waqiaat Mujhe
Roz-E-Roshan Se Mashwara Kar Ke
Bakhsh Do Ek Haseen Rat Mujhe
Na Sitarey Na Bada-E-Ahmer
Das Rahi Hai "Adam" Yeh Raat Mujhe
Gerchay, Maqtay Main Mera Naam Bhi Hai, Magar Yeh Ghazal Adam Sahab Ki He Hai :)
Umeed Hai Pasand Aye Gi Aap Logon Ko..
Regards,
Re: Poet Of The Month -July 07- Abdul Hameed Adam
Aik Qata,
Zakhm Dil Ke Agar Siye Hotey
Ahl-E-Dil Kis Trah Jiye Hotey
Wo Miley Bhi To Ik Jhijak Si Rahi
Kash Thodi See Hum Piye Hotey
Umeed Hai Pasand Aye Ga,
Regards,
Re: Poet Of The Month -July 07- Abdul Hameed Adam
Here Comes Another One..
Baal Kis Shokh Ne Bikherey Hain
Raqs Mein Ambreen Andherey Hain
Paon Aahista Rakh Ke Raste Mein
Dard-Mandon Ne Dil Bikherey Hain
Haath Yun Jal Rahe Hain Garmi Se
Jaise Un Gaisu-on Mein Pherey Hain
Zeest Ki Dhoop Kitni Garm Sahi,
Un Key Gaisu Bahut Ghanerey Hain
Aaj Phir Waqt Meharbaan Hain Adam
Aaj Phir Do Jahan Mere Hain
:)
Regards,
Re: Poet Of The Month -July 07- Abdul Hameed Adam
phuulon ki tanhaiyyo pe nasheman banaiye
bijli gire toh jashn-e-chiragha maniyye
kaliyon ke ang ang mein miitha sa dard hae
bimaar nikhatton ko zara gugudaiye
kab se sulagh rahi hae jawani ki garm raat
zulfein bikher kar mere pehlu mei aaiye
behki huwee siyaah ghataon ke saath saath
jee chahta hae shaam-e-abad tak to jaaiye
sun kar jise havas mei thandak si aa base
aesi koi udaas kahani sunaiyye
raste pe har kadam pe kharaabaat haen Adam
ye haal ho toh kis tra daman bachaiyye
Re: Poet Of The Month -July 07- Abdul Hameed Adam
suuraj kii har kiraN terii suurat pe vaar duuN **
**dozaKh ko chaahataa huuN ki jannat pe vaar duuN
itnii sii hai tasallii ki hogaa muqabala **
**dil kya hai jaaN bhii apnii qayamat pe vaar duu.N
ik Khvaab thaa jo dekh liyaa niind me.n kabhii **
**ik niind hai jo terii muhabbat pe vaar duu.N
"Adam" haseen niind milegii kahaaN mujhe **
**phir kyuN na zindaganii ko turbat pe vaar duuN
Re: Poet Of The Month -July 07- Abdul Hameed Adam
Nice Red And JW 
Re: Poet Of The Month -July 07- Abdul Hameed Adam
lovely
Re: Poet Of The Month -July 07- Abdul Hameed Adam
Shayad Mujhe Nikaal Kar Pachta Rahe Hon Aap
Mehfil Mein Iss Khayal Se Phir Aa Gya Hon Mein
"Adam"
Re: Poet Of The Month -July 07- Abdul Hameed Adam
Asalam U Alaikum !
Apnii Zulfon Ko Sitaaron Ke Havaale Kar Do
Shehar-e-Gul Baadaa Gusaaron Ke Havaale Kar Do
Talkhi-e-Hosh Ho Ya Masti-e-Idraak-e-Junuun
Aaj Har Cheez Bahaaron Ke Havaale Kar Do
Mujh Ko Yaaro Na Karo Rahnumaaon Ke Supurd
Mujh Ko Tum Rahguzaaron Ke Havaale Kar Do
Jaagne Waalon Ka Tuufaan Se Kar Do Rishta
Sonay Waalon Ko Kinaaron Ke Havaale Kar Do
Merii Taubaa Ka Bajaa Hai Yahii Ejaaz "Adam"
Meraa Saagar Mere Yaaron Ke Havaale Kar Do
"Adam"
Re: Poet Of The Month -July 07- Abdul Hameed Adam
Muskurahat Hai Husn Kaa Zevar
Ruup Barhtaa Hai Muskurayaa Karo
Kitanay Saadaa Mizaaj Ho Tum 'Adam'
Us Galii Mein Bohat Na Jaayaa Karo
"Adam"
Re: Poet Of The Month -July 07- Abdul Hameed Adam
Dilbaro Moajzaat Kar Jaao
Koi Anhoni Baat Kar Jaao
Iss Mein Kya Aaitraaz Hai Tum Ko
Baat Sun Jaao Baat Ker Jaao
Hum Ko Har Zulm Bhool Jata Hai
Phir Koi Vardaat Kar Jaao
Zindagi Aasroon Se Chalti Hai
Ehtamaam-e Hayaat Kar Jaao
Tum Ko Taufeeq Di Hai Qudrat Ne
Chaara-e-Mushkilaat Kar Jaao
Jhootha Waada Adam Se Kar Ke Koi
Baarish-e-Iltafaat Kar Jaao
"Adam"
Re: Poet Of The Month -July 07- Abdul Hameed Adam
**being lonely, ** you have posted some lovely stuff :k: Thanx a lot for shairing Adam’s work with us 
Re: Poet Of The Month -July 07- Abdul Hameed Adam
...
Re: Poet Of The Month -July 07- Abdul Hameed Adam
A Contribution,
Jo Log Jaan Boojh Ke Naadaan Ban Gaye
Mera Khayaal Hai Ki Vo Insaan Ban Gaye
Hum Hashr Main Gaye Magar Kuchh Na Poochheay
Vo Jaan Boojh Kar Vahaan Anjaan Ban Gaye
Hansate Hain Hum Ko Dekh Ke Arbaab-E-Aagahii
Hum Aap Ke Mizaaj Kii Pahachaan Ban Gaye
Munj-Dhaar Tak Pohanch-na To Himmat Ki Baat Thi
Saahil Ke Aas Paas He Toofaan Ban Gaye
Insaaniyat Ki Baat To Itni Hai Sheikh Ji
Bad-Qismatii Se Aap Bhi Insaan Ban Gaye
Kaante Bahut They Daaman-E-Fitrat Mein Ay "Adam"
Kuchh Phool Aur Kuchh Mere Armaan Ban Gaye
:)
Re: Poet Of The Month -July 07- Abdul Hameed Adam
Atleast This Ghazal Cannot Be Missed,
Hans Ke Bola Karo Bulaaya Karo
Aap Ka Ghar Hai Aayaa Jaaya Karo
Muskurahat Hai Husn Kaa Zevar
Ruup Barhta Hai Muskuraaya Karo
Had Se Barh Kar Haseen Lagte Ho
Jhooti Qasmein Zarur Khaaya Karo
Hukm Karna Bhi Ek Sakhaavat Hai
Hum Ko Khidamat Koi Bataaya Karo
Baat Karna Bhi Baad-Shahat Hai
Baat Karna Na Bhool Jaaya Karo
Taa-Ke Duniya Ki Dil-Kashi Na Ghatay
Nit Naye Pairahan Mein Aaya Karo
Kitne Saadaa Mizaaj Ho Tum 'Adam'
Us Galii Mein Bahut Na Jaayaa Karo
Haina,
I Hope Ke Aap Logon Ko Pasand Aye Gi..
Regards,