Re: Poet Of The Month -July 07- Abdul Hameed Adam
Asalam U Alaikum !
Uss chashm-e-mast se hai aqiidat kahein jisay
Ehsaas-e-bekhudi ki zaroorat kahein jisay
Aa to nahiiN gayi kisii zohra-jamaal par
Kya uska naam hai ki tabiiyat kahein jisay
Choti si ek baat hai ai jaan-e-aarzoo
Vo silsila nahi'n hai hikaayat kahein jisay
Ay dost mere siine ki dharhkan ko dekhna
Vo cheez to nahi'n hai muhabbat kahein jisay
Ay jaan-e-ishq ! tere taghaaful ki Khair ho
Ik aur chiiz bhi hai muravvat kahein jisay
Simtii to tangii-e-dahan-e-yaar ban gayi
Vo chiiz kaaynaat ki vus'at kahein jisay
"Adam"